Arsień Lis. Gloria victis!

U knizie sabrany vybranyja artykuły, narysy pra ludziej, jakija raspracoŭvali biełaruskuju nacyjanalnuju kancepcyju — Alaksandra Ułasava, Branisłava Taraškieviča, Arkadzia Smoliča, Tamaša Hryba. Asobnyja publikacyi pryśviečany biełaruskim piśmieńnikam, mastakam, vučonym.

«Heta kniha ab našaj źniščanaj intelihiencyi, trahiedyi našaj nacyi», — adznačaje aŭtar.

Maksim Bahdanovič. Ja chacieŭ by spatkacca z Vami...

U zbornik uvajšli litaraturna-publicystyčnyja artykuły pra miaściny, źviazanyja z žyćciom i tvorčaściu Maksima Bahdanoviča, a taksama materyjały, pryśviečanyja asobam, jakija išli pa žyćci poruč z paetam.

Kłaŭdzija Šyšyhina-Patockaja. Niaśviž i Radziviły.

Byłoje staražytnaje pasielišča na bierazie raki Uša ŭ pačatku XVI stahodździa stała hałoŭnaj rezidencyjaj słynnaj siamji, centram kultury Vialikaha kniastva Litoŭskaha, Ruskaha, Žamojckaha, druhim horadam u dziaržavie paśla Vilni. Historyi horada Niaśviža i lehiendarnaha rodu Radziviłaŭ ciesna źjadnany pamiž saboju. Ab usim hetym raspaviadajecca ŭ knizie, jakaja vytrymała try pieravydańni.

Statut Vialikaha kniastva Litoŭskaha 1588.

Hetaja kniha — faktyčna pieršaja sproba ŭznaŭleńnia na sučasnaj biełaruskaj movie tekstaŭ Statuta Vialikaha kniastva Litoŭskaha 1588 hoda — vydatnaha, ahulnajeŭrapiejskaha pomnika pravavoj kultury i jurydyčnaj dumki pieryjadu Adradžeńnia.

Natalla Hardzijenka. Biełarusy ŭ Vialikabrytanii.

Aŭtar razhladaje historyju biełaruska-brytanskich kantaktaŭ, pieradumovy pryjezdu biełarusaŭ u hetuju krainu ŭ 1940-ja, praces stvareńnia i dziejnaść nacyjanalnych arhanizacyj roznych napramkaŭ.

Heta sapraŭdnaja encykłapiedyja biełaruskaha žyćcia ŭ Vialikabrytanii. U kancy knihi źmieščany daviednik pa biełaruskich miaścinach u hetaj krainie.

Džejms Džojs. Ulis. Častka 1.

Najviadomiejšy raman irłandskaha piśmieńnika, jaki pisaŭsia «płyńniu śviadomaści» na praciahu bolš jak siami hadoŭ, drukavaŭsia častkami ŭ amerykanskim časopisie «The Little Review». Całkam vydadzieny byŭ u Francyi ŭ 1922. Upieršyniu pa-biełarusku ŭ pierakładzie Jana Maksimiuka tvor źjaviŭsia ŭ 1993 hodzie.

Клас
Панылы сорам
Ха-ха
Ого
Сумна
Абуральна