Zachar Łapicki, jaki byŭ uklučany ad Partyi BNF va učastkovuju vybarčuju kamisiju ŭčastku dla hałasavańnia № 9 Pieršamajskaj vybarčaj akruhi ŭ horadzie Miensku, admoviŭsia padpisvać pratakoł padliku hałasoŭ pa ŭčastku. Jon zrabiŭ heta ŭ suviazi z tym, što pracedura padliku hałasoŭ na hetym učastku nie davała mahčymaści być upeŭnienym u ličbach, jakija byli ŭniesienyja ŭ vynikovy pratakoł. Pry padliku hałasoŭ na hetym učastku nie padvodzilisia asobna vyniki padliku pa daterminovym hałasavańni, siabry kamisii ličyli tolki nievialikuju korlkaść biuleteniaŭ, a vynikovyja ličby padsumoŭvaŭ i ŭnosiŭ u pratakoł sakratar kamisii.

Na hetym učastku 470 vybarščykaŭ prahałasavali daterminova, što składaje bolš za 67% ad ahulnaj kolkaści. Skrynia dla daterminovaha hałasavańnia zachoŭvałasia ŭ dzień vybaraŭ u asobnym pakoi pa-za miežami pamiaškańnia dla hałasavańnia, pa-za polem zroku naziralnikaŭ i siabraŭ kamisii.

Siabra ŭčastkovaj vybarčaj kamisii Zachar Łapicki staviŭ pytańnie ab nieabchodnaści dakładna prytrymlivacca pałažeńniaŭ artykuła 55 Vybarčaha kodeksa i pravodzić hałosny i paśladoŭny padlik hałasoŭ takim čynam, kab kožny siabra kamisii moh być upeŭnienym u sapraŭdnaści ahučanych sakratarom kamisii ličbaŭ. Adnak pad ciskam staršyni i sakratara kamisii astatnija siabry kamisii ŭchililisia ad razhladu hetaha pytańnia.

Svaje pretenzii da pracedury padliku hałasoŭ Zachar Łapicki vykłaŭ u asobnym mierkavańni, jakoje było prykładzienaje da pratakoła i nakiravanaje ŭ rajonnuju kamisiju.

«Novyja pałažeńni vybarčaha kodeksa ab raździelnym padliku biuleteniaŭ daterminovaha i asnoŭnaha hałasavańnia zastalisia tolki na papiery. Vybarčyja kamisii pa-raniejšamu ažyćciaŭlajuć tolki ahulny padlik hałasoŭ, nie raździalajučy jaho pa vidach hałasavańnia. Va ŭmovach masavaha daterminovaha hałasavańnia, jakoje ažyćciaŭlajecca pad značnym administratyŭnym uciskam na vybarščykaŭ, zachavańnie raniejšaj madeli padliku hałasoŭ słukžyć srodkam prychavać tyja manipulacyi, jakija adbyvajucca pry arhanizacyi daterminovaha hałasavańnia, — adznačaje staršynia analityčna-praŭnaj kamisii Partyi BNF Juryj Čavusaŭ. — U hetych umovach siabry vybarčych kamisijaŭ ad apazycyjnych partyjaŭ nia mohuć być upeŭnienyja, što ŭniesienyja ŭ pratakoły padliku hałasoŭ ličby adpaviadajuć sapraŭdnamu volevyjaŭleńniu vybarščykaŭ».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?