Aŭstryja viarnułasia ŭ elitu suśvietnaha chakieja, fota iihf.com

Aŭstryja viarnułasia ŭ elitu suśvietnaha chakieja, fota iihf.com

Zbornaja Ukrainy pa chakiei pad kiraŭnictvam biełaruskaha śpiecyjalista Michaiła Zacharava nie zmahła prabicca ŭ elitny dyvizijon čempijanata śvietu, jaki jana pakinuła ŭ 2007 hodzie.

Na turniry ŭ hrupie «A» pieršaha dyvizijona, što prajšoŭ u Tyłburhu (Niderłandy) z 19 pa 25 krasavika, zbornaja Ukrainy zaniała 2-je miesca, prapuściŭšy napierad zbornuju Aŭstryi.

Pierad apošnim dniom spabornictvaŭ zbornyja Ukrainy i Aŭstryi mieli adnolkavuju kolkaść bałaŭ i ŭsio vyrašaŭ matč pamiž imi, što prajšoŭ viečaram 25 krasavika.

Aŭstryja pieramahła 2:1 (1:0, 0:0, 1:1) i zavajavała załatyja miedali i pucioŭku ŭ elitu suśvietnaha chakieju.

Ukraina – druhaja. Japonija – treciaja. Niderłandy - čaćviertyja, Litva - piataja. Zbornaja Sierbii pakidaje pieršy dyvizijon.

Zbornaja Ukrainy pakinuła elitny dyvizijon, u jakim jana vystupała ad 1999 h., u 2007 hodzie. Na čempijanacie śvietu ŭ pieršym dyvizijonie ŭ 2008 hodzie ukraincy byli 3-ja, u 2009-m - čaćviertyja.

***

U hrupie «V» pieršaha dyvizijona pucioŭku ŭ elitu sioleta zavajavała Słavienija.

Takim čynam pucioŭki na čempijanat śvietu 2011 hoda ŭ elitnym dyvizijonie, što projdzie ŭ Słavakii, zavajavali Aŭstryja i Słavienija.

Čempijanat 2010 hoda, dzie hulaje zbornaja Biełarusi, projdzie ŭ Niamieččynie z 7 maja. Supiernikami biełarusaŭ u hrupavym turniry buduć Rasija, Słavakija i Kazachstan.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?