Prysud pa spravie vaŭkavyskich pradprymalnikaŭ Mikałaja Aŭtuchoviča i Uładzimira Asipienki budzie abvieščany 6 maja ŭ 14.30 u Viarchoŭnym sudzie Biełarusi. Pra heta paviedamiŭ pravaabaronca Viačasłaŭ Siŭčyk.

Pavodle jaho słoŭ, 20 krasavika ŭ sudzie z apošnim słovam vystupili ŭsie abvinavačanyja. «U druhoj pałovie dnia vystupaŭ Uładzimir Asipienka. Jon taksama poŭnaściu nie pryznaŭ svajoj viny, nazvaŭ kryminalnuju spravu ŭ dačynieńni da jaho sfabrykavanaj. Jon raskazaŭ pra cisk, jaki akazvała śledstva na jaho i jaho siamju. Heta pryviało da taho, što jaho starejšaja dačka pakinuła Biełaruś», — paviedamiŭ Siŭčyk.

Pavodle słoŭ pravaabaroncy, taksama ŭ sudzie Asipienka zajaviŭ, što z takoj śledčaj sistemaj u Biełarusi na voli «zastanucca tolki piensijaniery i supracoŭniki milicyi».

***

Nahadajem, abvinavačanymi pa hetaj kryminalnaj spravie prachodziać pradprymalniki z Vaŭkavyska Mikałaj Aŭtuchovič i Uładzimir Asipienka, a taksama Alaksandr Łaryn i Michaił Kazłoŭ. Pieršych troch abvinavačvajuć u padrychtoŭcy terarystyčnaha akta ŭ dačynieńni da namieśnika ministra pa padatkach i zborach Vasila Kamianko i byłoha staršyni Hrodzienskaha abłvykankama Uładzimira Saŭčanki. Aŭtuchoviča i Asipienku taksama abvinavačvajuć u arhanizacyi padpału doma byłoha načalnika Vaŭkavyskaha RAUS Siarhieja Kacuby ŭ 2004 hodzie.

Padpałkoŭnik milicyi Kazłoŭ, były kiraŭnik upraŭleńnia pa baraćbie z arhanizavanaj złačynnaściu pa Hrodzienskaj vobłaści, abvinavačvajecca ŭ tym, što viedaŭ pra płany padrychtoŭki terarystyčnaha akta, ale nie pryniaŭ mier pa jaho praduchileńni.

16 krasavika prakuror Eldar Safaraŭ zapatrabavaŭ pryhavaryć Aŭtuchoviča da 20 hadoŭ kałonii ŭzmocnienaha režymu z kanfiskacyjaj majomaści, Asipienku i Łaryna — da 11 hadoŭ pazbaŭleńnia voli ŭ kałonii ŭzmocnienaha režymu. Dla Michaiła Kazłova jon zapytaŭ try hady kałonii ahulnaha režymu biez prava zajmać kirujučyja pasady.

Pravaabaroncy ličać hetuju kryminalnuju spravu palityčna matyvavanaj.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?