Viarchoŭny sud, dzie praciahvajecca razhlad kryminalnaj spravy vaŭkavyskich pradprymalnikaŭ, pačaŭ zasłuchoŭvać apošnija słovy abvinavačvanych. Pieršym vystupiŭ Mikałaj Aŭtuchovič.

Jak paviedamiŭ pravaabaronca Viačasłaŭ Siŭčyk, Aŭtuchovič nie pryznaŭ svajoj viny. «Jon vielmi padrabiazna spyniŭsia na faktach karupcyi ŭ Hrodzienskaj vobłaści», — skazaŭ Siŭčyk. «Jon vystupaŭ dźvie hadziny, i, takoje ŭražańnie, što vykłaŭ usio, što viadoma, — niahledziačy na toje, što sudździa niekalki razoŭ sprabavaŭ jaho pierapynić. Jak zajaviŭ Aŭtuchovič,

hety praces — praciah jaho pieraśledavańnia, jakoje pačałosia jašče ŭ 2003 hodzie, i ŭ jaho pieraśledavańni zacikaŭleny vielmi vysokija čynoŭniki», — adznačyŭ Siŭčyk.

Z apošnim słovam siońnia vystupiŭ taksama Michaił Kazłoŭ. «Jaho vystupleńnie było bolš jurydyčna aformlena.

Jon kankretna nazvaŭ artykuły Kryminalnaha kodeksa, jakija parušyła śledstva pry rasśledavańni spravy.

Pry hetym Kazłoŭ vysoka acaniŭ dziejańni prakurora Eldara Safarava. Jon pracytavaŭ śledčaha Kłačko, jaki havaryŭ jamu, što, kali jon spynić kryminalnuju spravu ŭ dačynieńni da Aŭtuchoviča i Asipienki, to jaho «nie zrazumiejuć», — skazaŭ pravaabaronca.

U druhoj pałovie dnia pradoŭžycca zasłuchoŭvańnie apošnich słoŭ abvinavačanych.

***

Nahadajem, abvinavačanymi pa hetaj kryminalnaj spravie prachodziać pradprymalniki z Vaŭkavyska Mikałaj Aŭtuchovič i Uładzimir Asipienka, a taksama Alaksandr Łaryn i Michaił Kazłoŭ. Pieršych troch abvinavačvajuć u padrychtoŭcy terarystyčnaha akta ŭ dačynieńni da namieśnika ministra pa padatkach i zborach Vasila Kamianko i byłoha staršyni Hrodzienskaha abłvykankama Uładzimira Saŭčanki. Aŭtuchoviča i Asipienku taksama abvinavačvajuć u arhanizacyi padpału doma byłoha načalnika Vaŭkavyskaha RAUS Siarhieja Kacuby ŭ 2004 hodzie.

Padpałkoŭnik milicyi Kazłoŭ, były kiraŭnik upraŭleńnia pa baraćbie z arhanizavanaj złačynnaściu pa Hrodzienskaj vobłaści, abvinavačvajecca ŭ tym, što viedaŭ ab płanach padrychtoŭki terarystyčnaha akta, ale nie pryniaŭ mier pa jaho praduchileńni.

16 krasavika prakuror Eldar Safaraŭ zapatrabavaŭ pryhavaryć Aŭtuchoviča da 20 hadoŭ kałonii ŭzmocnienaha režymu z kanfiskacyjaj majomaści, Asipienku i Łaryna — da 11 hadoŭ pazbaŭleńnia voli ŭ kałonii ŭzmocnienaha režymu. Dla Michaiła Kazłova jon zapytaŭ try hady kałonii ahulnaha režymu biez prava zajmać kirujučyja pasady.

Pravaabaroncy ličać hetuju kryminalnuju spravu palityčna matyvavanaj.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?