Spad u rasijskaj ekanomicy skončyŭsia, i ŭ krainy jość dobryja šancy na adnaŭleńnie paśla kryzisu, — zajaviŭ premjer‑ministr Rasii Uładzimir Pucin, vystupajučy ŭ aŭtorak pierad Dziaržaŭnaj dumaj.

«Recesija ŭ našaj ekanomicy skončyłasia. Heta nie značyć, što kryzis skončyŭsia, ale recesija, złažyŭšy ruki, haściny pravić», — skazaŭ premjer.

Jon paviedamiŭ, što rasijskaja ekanomika «usio bolš upeŭniena demanstruje prykmiety adnaŭleńnia» užo ź lipienia minułaha hoda. Pavodle Pucina, jość vialikaja vierahodnaść, što rost VUP sioleta pieravysić aficyjny prahnoz, roŭny 3,1%.

Siarod pakazčykaŭ, što vyklikajuć aptymizm, Pucin zhadaŭ rost pramysłovaści ŭ pieršym kvartale hetaha hoda — pavodle aficyjnych źviestak, abjom vytvorčaści pavialičyŭsia amal na 6%.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?