Nie varta błytać patryjatyzm z šavinizmam, bo sapraŭdny patryjatyzm pazbaŭleny ŭźniasieńnia, słavalubstva, pahardy da inšych narodaŭ,

zajaviŭ 19 krasavika ŭ Minsku na pasiadžeńni kaardynacyjnaha savieta pa supracoŭnictvie orhanaŭ dziaržaŭnaha kiravańnia i Biełaruskaj pravasłaŭnaj carkvy (BPC) mitrapalit Minski i Słucki Fiłaret, patryjaršy ekzarch usiaje Biełarusi.

Pavodle jaho słoŭ, asnovaj sapraŭdnaha patryjatyčnaha pačućcia źjaŭlajecca luboŭ, jakaja hatova da achviaravańnia dziela inšych i Ajčyny. «Toj, chto lubić svaju Radzimu, hatovy z pavahaj pastavicca da inšych narodaŭ, acanić bahaćcie i pryhažość inšaj kultury, inšaj cyvilizacyi. Zdolnaść źmiaścić i z udziačnaściu pryniać raznastajnaść śvietu jak dar Božy słužyć adnym sa śviedčańniaŭ chryścijanskaha patryjatyčnaha pačućcia», — skazaŭ Fiłaret.

***

Jak zaznačyŭ refierent Minskaha jeparchijalnaha ŭpraŭleńnia BPC, kaardynatar pa pytańniach realizacyi prahram supracoŭnictva dziaržavy z carkvoj Andrej Aleška, BPC vystupaje za toje, kab u hramadzianskaj supolnaści «bolš aktyŭna, adkryta i šyroka» abmiarkoŭvalisia nadzionnyja prablemy žyćcia, hramadska značnyja pačynańni i prajekty ad maralnaści da adukacyi, demahrafičnych i miedycynskich pytańniaŭ.

Vykanaŭčy dyrektar vydaviectva Biełaruskaha ekzarchatu RPC Uładzimir Hrozaŭ zaklikaŭ členaŭ savieta padtrymać realizacyju va ŭsich ustanovach adukacyi i vychavańnia krainy navučalnaj prahramy «Asnovy ajčynnaj duchoŭnaj kultury». Na jaho dumku, isnuje «jarka vyražany sacyjalny zakaz» na ŭkaranieńnie hetaj «adzinaj lehitymnaj prahramy dla ŭsioj sistemy našaj nacyjanalnaj adukacyi i vychavańnia».

«Siońnia heta jak nikoli nadzionna. Pahrozy, jakija isnujuć dla našaj hramadzianskaj supolnaści i dziaržavy, nie źmianšajucca, a z kožnym hodam stanoviacca ŭsio bolš vytančanymi, asabliva ŭ infarmacyjnaj śfiery. I supraćstajać hetamu moža tolki sistemnaja, paśladoŭnaja i ahulnaja praca, asabliva ŭ sistemie adukacyi», — skazaŭ Hrozaŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?