Śpikier polskaha Siejmu Branisłaŭ Kamaroŭski zajaviŭ, što, praŭdapadobna, data prezidenckich vybaraŭ budzie abvieščanaja zaŭtra. Kamaroŭski padkreśliŭ, što zatrymka hetaha rašeńnia nie nanosić uronu funkcyjanavańniu dziaržavy. Śpikier zaznačyŭ, što adkryty dla prapanovaŭ apazicyi ŭ hetym pytańni.
U paniadziełak u pieradačy telekanału Polsat News Branisłaŭ Kamaroŭski prapanavaŭ apazicyjnym partyjam, kab jany sami nazvali zručniejšy termin prezidenckich vybaraŭ.
«Ja chaču sardečna paprasić, padkreślivaju — sardečna paprasić — apazicyju, jakaja paniesła najbolšyja straty, bo straciła dvuch patencyjnych kandydataŭ na prezidenckich vybarach (majucca na ŭvazie Lech Kačyński i Ježy Šmajdziński), kab jana akreśliła najbolš zručny čas dla siabie», — skazaŭ jon.
