Z 14 pa 17 krasavika ŭ ramkach pieršaha Tydnia Livana ŭ Minsku projdzie nacyjanalnaja vystava‑kirmaš Livana.Mierapryjemstva adbudziecca ŭ nacyjanalnym vystavačnym centry «Biełekspa».
Arhanizatarami Tydnia Livana ŭ Minsku i vystavy vystupili šerah ministerstvaŭ Livana, livanskaje konsulstva ŭ Biełarusi i mižnarodnaja bankaŭska‑finansavaja hrupa «Fransabank».
Udzieł u vystavie voźmuć kala 50 ekspanientaŭ, siarod jakich pradstaŭniki charčovaj, papiarovaj i meblevaj pramysłovaści, haścinična‑turystyčnaha biźniesu, bankaŭ i ahienctvaŭ nieruchomaści, vytvorcaŭ adzieńnia, aksiesuaraŭ i kaśmietyki. Akramia taho, na vystavie buduć pradstaŭleny tradycyjnyja livanskija ramiostvy — mazaika z kamienia, ručnoje šyćcio, majsternia siarebranych spraŭ, kirmaš prypraŭ i śpiecyj.
U ramkach vystavy adbuducca vystupleńni livanskaha ansambla narodnaha tanca, dehustacyja nacyjanalnych vin, pakaz livanskaj mody.
