Udzielnikam stychijnaha mitynhu, jaki prajšoŭ 8 krasavika na aŭtarynku ŭ Ždanovičach, udałosia dabicca vykanańnia svaich patrabavańniaŭ — košt zajezdu na terytoryju rynku dla ich źnižany.

Stychijny mitynh pačaŭsia siońnia ranicaj. Pryčynaj stała čarhovaje pavyšeńnie koštu zajezdu na terytoryju rynku — z 95 da 100 tysiač rubloŭ.

Jak paviedamiŭ staršynia savieta RHA «Pierśpiektyva» Anatol Šumčanka, mitynh zaviaršyŭsia, aŭtamabili zajazdžajuć na terytoryju rynku. Košt zajezdu źnižany da raniejšaha pamieru.

«Try tydni tamu košt zajezdu byŭ 90 tysiač rubloŭ, potym zrabili 95 tysiač, a siońnia ŭźniali da 100 tysiač.

Heta i vyklikała abureńnie pradprymalnikaŭ. U dalejšym usio budzie zaležać ad taho, nakolki administracyja hatova da dyjałohu z małym biźniesam», — zajaviŭ Šumčanka.

Dyrektar handlovaha centra «Ždanovičy» Hienadź Padbiarozny paćvierdziŭ, što płata za ŭjezd na aŭtarynak pakul źnižana da 95 tysiač rubloŭ. Razam z tym jon śćviardžaje, što płata dla pradaŭcoŭ aŭtamabilaŭ nie pavyšałasia bolš jak hod. Pavodle słoŭ dyrektara, na nastupnym tydni, chutčej za ŭsio,

košt zajezdu znoŭ budzie pavialičany da 100 tysiač rubloŭ.

Baki nazyvajuć roznuju kolkaść udzielnikaŭ stychijnaj akcyi pratestu. Pavodle źviestak administracyi, mitynhavali nie bolš jak 20—30 čałaviek, pavodle infarmacyi pradprymalnikaŭ — pryblizna 300.

***

Historyja aŭtamabilnaha rynku «Ždanovičy» pačałasia ŭ 1993 hodzie, kali niekalki fizičnych asob arhanizavali sałon pa prodažy aŭtamabilaŭ. U 1994 hodzie rašeńniem Minskaha harvykankama była vydzielena terytoryja dla budaŭnictva handlovaha centra.

Zaraz aŭtamabilny rynak — najbujniejšy ŭ Biełarusi, štotydniova ŭmiaščaje da 5 tysiač aŭtamabilaŭ. Jon uvachodzić u handlovy centr «Ždanovičy», raźmieščany pa adrasie: Minsk, vuł. Cimirazieva, 123/1. Vałodaje im adnajmiennaje pryvatnaje pradpryjemstva.

Z hetym handlovym centram była źviazana kryminalnaja sprava pavodle faktu niametavaha vykarystańnia i zachopu ziamiel. U jakaści abvinavačanaha pa spravie prachodziŭ hienieralny dyrektar pradpryjemstva Jaŭhien Šyhałaŭ. 1 kastryčnika 2009 hoda jon byŭ vyzvaleny ad kryminalnaj adkaznaści ŭ suviazi z tym, što kampiensavaŭ naniesieny dziaržavie ŭron u 85 młrd. rubloŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?