Arhkamitet pa praviadzieńni histaryčna krajaznaŭčaj kanfierencyi da 450‑hodździa pieršych piśmovych źviestak ab Šaciłkach (zaraz Śvietłahorsk Homielskaj vobłaści) zaprašaje ŭsich da ŭdziełu ŭ hetym mierapryjemstvie, jakoje adbudziecca 16 krasavika ŭ Śvietłahorskim historyka‑krajaznaŭčym muziei.
Pra heta paviedamiła nieadnarazovy udzielnik archieałahičnych daśledavańniaŭ u rehijonie Dzijana Filimončyk.
Pavodle jaje słoŭ, kanfierencyja musić stać čarhovym krokam u pracy, jakaja viadziecca navukoŭcami i krajaznaŭcami pa daśledavańni minuŭščyny Šaciłak i prylehłaha rehijonu.
Staršynioj arhanizacyjnaha kamiteta pa praviadzieńni kanfierencyi źjaŭlajecca doktar histaryčnych navuk prafiesar Biełaruskaha dziaržuniviersiteta Siarhiej Rassadzin, skazała Filimončyk. Jana prapanavała navukoŭcam i krajaznaŭcam uziać udzieł u kanfierencyi, vystupić na joj z dakładam, dałučycca da dziejnaści arhkamiteta.
Atrymać bolš padrabiaznuju infarmacyju i zrabić zajaŭku na udzieł možna pa elektronnym adrasie [email protected] albo pa telefonie ŭ Śvietłahorsku (02342) 5‑42‑59.
