Biblijateku Akademii navuk Litvy rasfarmiroŭvać, jak płanavałasia, nie buduć. Heta dazvolić nie razvozić vialikija biełaruskija zbory ź jaje fondaŭ pa ŭsioj krainie.

Biblijateka imia Urubleŭskich Akademii navuk Litvy.

Biblijateka imia Urubleŭskich Akademii navuk Litvy.

Zahadčyca Adździeła redkich knih biblijateki Dajva Narbucienie paviedamiła, što «atrymałasia paźbiehnuć rasfarmiravania. Naadvarot, u nas pačynajecca novy etap isnavańnia. Z kanca minułaha hoda my nazyvajemsia Biblijatekaj imia Urubleŭskich. Tamu chvalavacca nie treba».

Letaś paŭstała pytańnie z rasfarmiravańniem biblijateki. Jaje fondy płanavałasia pieradać profilnym ustanovam. Čym heta pahražała b biełarusam? U biblijatecy znachodzicca šmat materyjałaŭ, źviazanych z našaj krainaj.

Bo jaje farmiravańnie adbyvałasia na asnovie fondaŭ vilenskaha muzieja imia Ivana Łuckieviča, publičnaj biblijateki Vilni, u jakoj, darečy, znachodzilisia knihi z Žyrovickaha manastyra, sa šmatlikich začynienych u Biełarusi katalickich klaštaraŭ.

Z dałučeńniem Litvy da Jeŭrapiejskaha Sajuza, a zatym i da Šenhienskaj zony, trapić u Vilniu daśledčykam ź Biełarusi stała składana i doraha. Ale heta jašče mahčyma. A ŭ vyniku rasfarmiravańnia biblijateki papracavać ź biełaruskimi dakumientami stała b uvohule ciažka. Bo vialikich vysiłkaŭ vymahali b pošuki miesca ich znachodžańnia.

Praź biblijateku Akademii navuk Litvy prajšli ŭsie viadomyja ajčynnyja daśledčyki. Adam Maldzis, Hienadź Kisialoŭ, Viačasłaŭ Rahojša, Hienadź Kachanoŭski… Litaraturaznaŭca Arsień Lis adznačaje, što mienavita daśledčyki litaratury najbolš papracavali z fondam 21 (tak zvanym biełaruskim). Ale i jany nie ŭsio vyvučyli. Sp. Lis kaža «pra rukapisy piśmieńnikaŭ Zachodniaj Biełarusi, jakija jašče treba adkryvać», a taksama inšych litarataraŭ.

Biblijateka była zasnavana ŭ 1941 hodzie na bazie biblijateki jevanhielika-refarmackaha sinoda i Dziaržaŭnaj publičnaj biblijateki Jaŭstachija i Emilii Urubleŭskich jak Centralnaja biblijateka Akademii navuk Litoŭskaj SSR. 24 listapada 2009 hoda joj nadali imia Urubleŭskich.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?