U skład 6.387 učastkovych vybarčych kamisij pa vybarach deputataŭ miascovych savietaŭ vyłučany 77.241 čałaviek. Pra heta paviedamiŭ sakratar Centravybarkama Mikałaj Łazavik.
Hramadzianami šlacham zboru podpisaŭ vyłučana 31.015 čałaviek, pracoŭnymi kalektyvami — 17.385, hramadskimi abjadnańniami — 28.841, palityčnymi partyjami — 2.212.
Z palityčnych partyj bolš za ŭsio svaich pradstaŭnikoŭ u skład učastkovych kamisij vyłučyła Kamunistyčnaja partyja Biełarusi — 516 čałaviek.
Biełaruskaja sacyjalna‑spartyŭnaja partyja vyłučyła 434 čałavieki, Respublikanskaja partyja pracy i spraviadlivaści — 358, Abjadnanaja hramadzianskaja partyja — 281, Biełaruskaja partyja levych «Spraviadlivy śviet» — 160, Biełaruskaja ahrarnaja partyja — 132, Partyja BNF — 122, Libieralna‑demakratyčnaja partyja — 95, Respublikanskaja partyja — 73, Biełaruskaja sacyjał‑demakratyčnaja partyja (Hramada) — 24, Biełaruskaja sacyjał‑demakratyčnaja Hramada — 9, Kansiervatyŭna‑chryścijanskaja partyja — BNF — 8.
«Viadoma, palityčnyja partyi va ŭčastkovyja kamisii vyłučyli niašmat svaich pradstaŭnikoŭ. Chutčej za ŭsio, heta vyklikana tym, što farmirujucca nizavyja kamisii ŭ tych miescach, dzie niama partyjnych struktur», — skazaŭ Łazavik. Z hramadskich abjadnańniaŭ u skład učastkovych kamisij 3.440 svaich pradstaŭnikoŭ vyłučyła «Biełaja Ruś», 4.101 — Biełaruski respublikanski sajuz moładzi, 3.787 — Biełaruski sajuz žančyn, 2.247 — Biełaruskaje hramadskaje abjadnańnie vieteranaŭ, 9.370 — Fiederacyja prafsajuzaŭ Biełarusi. Sakratar Centrvybarkama taksama paviedamiŭ, što ŭ Minsku va ŭčastkovyja kamisii było vyłučana 10.564 čałavieki, u tym liku hramadskimi abjadnańniami — 3.888, palityčnymi partyjami — 1.317.
Vybary deputataŭ miascovych savietaŭ projduć 25 krasavika.
