Kala 11 tysiač hledačoŭ prysutničali na kancercie słavutaha niamieckaha hurtu Rammstein, jaki prajšoŭ uviečary 7 sakavika ŭ spartyŭnym kompleksie«Minsk-Arena» .
Fota Antona Matolki, tut.by
Fota Antona Matolki, tut.by
Fota Antona Matolki, tut.by
Fota Antona Matolki, tut.by
Fota Antona Matolki, tut.by
Fota Antona Matolki, tut.by
Fota Antona Matolki, tut.by
Rammstein vystupiŭ u Minsku ŭ ramkach suśvietnaha tura hurtu, pryśviečanaha vychadu novaha alboma Liebe ist fur alle da («Kachańnie isnuje dla ŭsich») paśla čatyrochhadovaha pierapynku. Hurt vykanaŭ na kancercie jak kampazicyi z novaha alboma, tak i viadomyja chity.
Šou pačałosia z zatrymkaj na hadzinu. Na razahrevie ŭ Rammstein vystupaŭ
Jany źjavilisia na scenie pad ahłušalnyja huki pieśni Rammlied — vizitnaj kartki hurtu. Publika sustreła ich avacyjami i hučnymi krykami. Ahniavoje šou, jakim słavutyja kancerty Rammstein, pačałosia na treciaj pieśni, Keine Lust. Ahniu było šmat — ahniavyja «harełki» ŭ rukach u muzykantaŭ, fiejervierki, kryły, jakija hareli prosta na vakaliscu Tylu Lindemanu.
Padčas vykanańnia pieśni Benzin Lindeman vykaciŭ na scenu bienzakałonku i padpaliŭ jaje. U hety momant na scenu z zały niečakana vybieh čałaviek, jakoha vakalist hurtu abdaŭ strumieniem ahniu. Achoplenaja połymiem fihura zamitusiłasia pa scenie, i techničnaja słužba patušyła ahoń. Tolki kali Lindeman padyšoŭ da čałavieka, jakija lažaŭ na padłozie, i pchnuŭ jaho nahoj, stała zrazumieła, što heta byŭ nie fanat, jaki raptoŭna vyskačyŭ z zały, a častka šou.
U kancy vystupleńnia ŭ zału tradycyjna zapuścili humovuju łodku z adnym z muzykantaŭ. Pakłońniki na rukach pranieśli łodku pa
Muzykanty dvojčy vychodzili na bis, a Lindeman padziakavaŭ publicy za burny pryjom, skazaŭšy: «Dziakuj! Vialiki dziakuj! My rady vas tut bačyć! Ram lubić vas!»
Rammstein prybyli ŭ Biełaruś 6 sakavika. Hurt hastraluje z 20 hruzavikami abstalavańnia i šaściu aŭtobusami dla piersanału. U Minsk prybyli kala 140 čałaviek — muzykanty, mieniedžery, techničny i absłuhoŭvajučy piersanał hurtu. Jašče prykładna 200 čałaviek dla padrychtoŭki kancerta byli naniaty ŭ Minsku. Takim čynam, techničny i absłuhoŭvajučy piersanał kancerta składaŭ prykładna 350 čałaviek.
Bytavy rajder hurtu, pavodle słoŭ arhanizataraŭ, maje adnu asablivaść — muzykanty sami arhanizoŭvajuć svajo charčavańnie. Absłuhoŭvajučy piersanał hurtu zakuplaje pradukty i hatuje ježu. Dla hetych metaŭ u
Z presaj Rammstein nie mieŭ znosinaŭ. Pa patrabavańni mieniedžmientu hurtu, padčas kancerta zabaroniena było pravodzić niesankcyjanavanuju fota- i videazdymku. Adnak mnohija hledačy zdymali vystupleńnie Rammstein z dapamohaj mabilnych telefonaŭ i ličbavych fotakamier.
Hurt Rammstein isnuje z 1994 hoda. Nazva pierakładajecca jak «Taranny kamień». Usie členy hurtu — z byłoj HDR.
Pryjezd Rammstein u Biełaruś staŭ pryčynaj dyskusij. Hramadski saviet pa marali na čale ź piśmieńnikam Mikałajem Čarhincom nastojvaŭ na papiarednim prahladzie kancertnaj prahramy, abvinavačvajučy kalektyŭ u prapahandzie nasilla, parnahrafii, žorstkaści i nacyzmu.
Ministerstva kultury zapytała ŭ arhanizataraŭ materyjały kancertnaj prahramy, Arhanizatary zapeŭnili čynoŭnikaŭ, što kancert adbudziecca «ŭ adpaviednaści z zakanadaŭstvam Biełarusi».
