Na mižnarodnym konkursie charastva «Mister śvietu — 2010» Biełaruś maje ŭsie šancy pieramahčy. Ad našaj krainy jedzie mocny kandydat. Mocny va ŭsich sensach.
Hetymi dniami jon prymiaraje adzieńnie, raspracavanaje samym papularnym z ajčynnych madeljeraŭ Ivanam Ajpłatavym. Ajtpłataŭ užo dobra znajomy z Baranavym. Upieršyniu tandem madeljera i madeli pracavaŭ na Tydni mody ŭ Maskvie ŭ 2009 hodzie.
Za tytuł «Mister śvietu» z 27 sakavika buduć zmahacca ŭdzielniki z 80 krain. Konkurs budzie doŭžycca až 17 dzion! Pryjdziecca spaborničać nie tolki ŭ charastvie, a i ŭ fizičnaj sile, stojkaści i kiemlivaści. Lepšyja ź lepšych voźmuć udzieł u finale, dzie budzie aceńvacca ich styl, vystupleńnie i asabistyja jakaści. Padrychtoŭkaj udzielnika da spabornictva zajmajecca cełaja kamanda Nacyjanalnaj škoły pryhažości.
