U 2011-2013 hadach Jeŭrapiejski Sajuz vydzielić svaim susiedziam bolš 5,7 młrd. jeŭra dla ŭmacavańnia palityčnaha supracoŭnictva i raźvićcia ekanamičnaj intehracyi.

Novyja resursy buduć vydatkavanyja ź biudžetu Jeŭrapiejskaha instrumienta susiedstva i partniorstva. ES taksama padtrymaje prajekty pa baraćbie sa źmianieńniem klimatu, u transpartnaj śfiery, u enierhietycy i achovie navakolnaha asiarodździa.

Biełaruś pakul u prahramu aficyjna nie ŭklučanaja. Jaje prosta niama ŭ śpisie krain-udzielnic.

Płanujecca, što Jeŭrapiejskaja Kamisija ŭ chutkim časie razhledzić jašče try prahramy: śpiecyjalnuju prahramu dla Biełarusi, prahramu Jeŭra-Mižziemnamorskaha partniorstva, a taksama Transhraničnuju apieracyjnuju prahramu.

«NN» źviarnułasia pa kamientar da palitołaha Alesia Łahvinca.

«NN»: Nakolki našaja kraina ŭvohule zdolnaja vykarystoŭvać srodki ES?

Jeŭrapiejskaja palityka dobrasusiedstva była zasnavanaja ŭ 2004 hodzie. Prahrama vychodzić za miežy tradycyjnaha palityčnaha supracoŭnictva z metaj raźvićcia ekanamičnaj intehracyi i dla padtrymki reformaŭ, nieabchodnych dla stymulavańnia sacyjalna-ekanamičnaha raźvićcia krain-partnioraŭ ES. Niadaŭna hetaja prahrama była ŭzmocnienaja inicyjatyvami rehijanalnaha supracoŭnictva – Sajuzam dla Mižziemnamorja i Uschodnim Partniorstvam.

AŁ: Biełaruś nie da kanca padrychtavanaja da hetaha. U Biełarusi ŭ hetym płanie najhoršaja historyja z usich krain-udzielnic prahramy, chiba tolki za vyklučeńniem Livii. Nam daloka navat da Rasii i Ukrainy. Aficyjny Minsk nie padrychtavany da ŭdziełu ŭ padobnych prahramach.
Bolš za toje, ciaham apošniaha dziesiacihodździa dziesiatki ŭzhodnienych prajektaŭ byli nie zaćvierdžanyja ź biełaruskaha boku. Pryčyna zrazumiełaja – strach stracić kantrol nad hramadstvam.
Heta patencyjalnyja hrošy, jakija ES zakładvaje ŭ svaje prahramy supracoŭnictva z asobnymi krainami. Adnak zvažajučy na hatoŭnaść biełaruskaha pryvatnaha biznesa, a tym bolš dziaržaŭnych pradpryjemstvaŭ, my nie zdolnyja vykarystać hrošy ES.

«NN»: Što pavinna źmianicca, kab Biełaruś mahła bolš efiektyŭna vykarystoŭvać srodki, što vydzialacca Bruselem?

AŁ: Zrabić treba vielmi šmat. Pavažać ułasnuju Kanstytucyju, uličvać 12 umovaŭ ES da Biełarusi, kab była ratyfikavanaj damova ab supracoŭnictvie, padpisanuju jašče ŭ 1995 hodzie abo raspracavanaj novaja … Šmat takich momantaŭ. Nieabchodna ŭdzielničać va ŭsich prahramach ES, pahłyblać refarmavańnie ekanomiki, kab bolš plonna supracoŭničać z krainami Jeŭrasajuza, vyrašać vizavyja prablemy. Biełaruś našmat mienš aktyŭnaja ŭ hetym płanie, čym taja ž Ukraina.

«NN»: Čamu Biełarusi nie było ŭ śpisie tych krain, prahramu supracoŭnictva ź jakimi pryniali ŭčora? Čym možna patłumačyć toj fakt, što dla Biełarusi raspracavanaja admysłovaja prahrama?

AŁ:

Heta sihnał biełaruskim uładam. Sihnał ab tym, što ES hatovy da supracoŭnictva, ale čakaje taksama i peŭnych krokaŭ z boku Minska.
Mahčyma, što dla Biełarusi pamier finansavaj dapamohi budzie navat pavialičany. My svajo supracoŭnictva ź ES tolki pačynajem, tamu i takaja asablivaja ŭvaha.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?