Piśmieńnik Siarhiej Dubaviec ahučyŭ «Dekłaracyju adzinstva kultury», u jakoj vykazvajecca za stvareńnie niepadzielnaj biełaruskaj kultury.

«Usie padzieły pamiž nami sychodziać ź inšych śfier hramadskaha i dziaržaŭnaha ŭładkavańnia», — śćviardžaje sp. Dubaviec. Jon adznačaje, što siońnia kanflikt pamiž łajalnymi i niełajalnymi da ŭładaŭ tvorcami, štučna stvorany jašče ŭ savieckija časy, vyčarpany.

«Biełaruskaja nacyja musić zaviaršyć praces svajho farmavańnia pierad abliččam hłabalizacyi, kab stać jaje ŭdzielnicaj, a nie achviaraj.

Pad siłu hetaja zadača tolki adzinaj biełaruskaj kultury».

Siarhiej Dubaviec kaža, «što ŭsie skiravany da adzinstva i hruntujucca na hłybokaj lubovi da našaj Radzimy-Biełarusi, prasiaknuty kłopatam pra jaje zaŭtrašni dzień», niahledziačy na toje, što «pałova z nas havoryć pa-biełarusku, a pałova — pa-rasijsku. Pałova padtrymlivaje aficyjnuju palityku, pałova krytykuje jaje».

Dla taho, kab likvidavać nieabaznanaść u kultury, sp. Dubaviec prapanavaŭ rekłamavać piśmieńnikaŭ, muzykaŭ, fiłosafaŭ. «U peŭny dzień my ŭsie ŭ toj formie, jakuju pažadajem, budziem pryhadvać tych samych dziejnych asob kultury, chto siońnia realna spryčyniajecca da jaje bahaćcia i zdabytkaŭ, niezaležna ad taho, u jaki «łahier» jaho zapisała pahałoska». Heta paspryjaje jadnańniu ŭsioj biełaruskaj nacyi vakoł takich zrazumiełych paniatkaŭ, jak «naš kulturny hieroj», «vydatny tvor mastactva».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?