Prezident Ukrainy Viktar Janukovič padčas znachodžańnia ŭ Bruseli čarhovy raz paradavaŭ žurnalistaŭ. Padčas zapisu intervju kanału «Jeŭrańjus» V.Janukovič pierabłytaŭ Kosava ź Sierbijaj i Čarnahoryjaj, a Paŭnočnuju Asieciju — z Paŭdniovaj.

Heta adbyłosia padčas hutarki, kali žurnalist spytaŭ Janukoviča, ci pryznaje Ukraina niezaležnaść Paŭdniovaj Asiecii i Abchazii.

«Ja vykazaŭsia ŭ svoj čas, što my suprać palityki dvajnych standartaŭ. Heta na prykładzie Sierbii ... Ci, dakładniej, pryznańnia niezaležnaści Čarnahoryi ... Pryznańnia niezaležnaści Kosava»
– skazaŭ prezident Ukrainy.
«Jašče tady było zrazumieła, što kanflikty na terytoryi zamarožanych kanfliktaŭ buduć tolki abvastracca. I nastupny jarkim prykładam byŭ prykład Paŭnočnaj Asiecii»
– dadaŭ Janukovič, pierabłytaŭšy Paŭnočnuju Asieciju z Paŭdniovaj.

«Moj punkt hledžańnia – my pavinny ŭ čarhovy raz padkreślić, što mižnarodnyja praviły, jakija pavinny pracavać dla ŭsich, nie pavinny mieć vyklučeńniaŭ» – taksama adznačyŭ ukrainski lider.

Na ŭdakładniajučaje pytańnie, ci hatovy Janukovič pryznać niezaležnaść Paŭdniovaj Asiecii i Abchazii, jon adkazaŭ: «Na siońniašni dzień hetaje pytańnie nie staić na paradku dnia. My mieli precedent, jaki mahli nie mieć, ale tym nie mienš, my jaho dapuścili».

Paśla razmovy prezidenta z «Jeŭrańjus» hrupa supravadžeńnia Janukoviča paprasiła žurnalista pry padrychtoŭcy intervju da efiru padrychtavać jaho tak, kab hetych pamyłak u kančatkovaj viersii nie było.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?