Kamitet Sojma Litvy pa adukacyi, navucy i kultury śćviardžaje, što nie bačyć mahčymaści abviaścić vialikaha kniazia Vitaŭta karalom Litvy paśmiarotna.
Jak napisana ŭ liście kamiteta, paśla praviadzieńnia daśledavańniaŭ było kanstatavana, što ŭ śviecie nie było anałahaŭ, kali asoba nie karaleŭskaha pachodžańnia była b abvieščana karalom paśmiarotna.
U adkazie Instytuta historyi Litvy havorycca, što vialiki kniaź Vitaŭt nie staŭ karalom Litvy, bo
nie byli vykananyja nieabchodnyja dziela hetaha jurydyčnyja pracedury, i nie byŭ praviedzieny carkoŭny abrad, nie było atrymana błasłavańnie Papy.
«Cyrymonii, na jakoj karanavali vialikaha kniazia Litvy Vitaŭta, nie było, tamu niama nijakich padstavaŭ abviaščać jaho karalom», ‑‑ napisana ŭ adkazie zahadčyka adździeła historyi VKŁ Instytuta historyi Litvy Ramunie Šmihielskicie‑Stukienie.
Historyk Arturas Dubonis zaklikaŭ zastavacca viernymi histaryčnaj praŭdzie i nie padtrymlivać «palityčnych manipulacyj našaj historyjaj i honaram, paśmiarotnaj karanacyjaj Vitaŭta».
«Štučna nadzietaja karona na hałavu miortvaha nie nadaść honaru ni jamu, ni ciapierašniaj Litvie.
Tym nie mienš, ci nie pieratvorycca nadzietaja takim čynam karona ŭ šapku błazna ŭ vačach suśvietnaj supolnaści?», — kaža historyk.
Z prośbaj ab paśmiarotnaj karanacyi vialikaha kniazia Vitaŭta ŭ Siejm źviarnuŭsia vice‑mer Kaŭnasa S. Buškiavičus. Svaju prośbu jon arhumientavaŭ tym, što ŭ 2010 hodzie spaŭniajecca 580 hadoŭ z momantu, kali impieratar Ryma Žyhimont I paćvierdziŭ, što Vitaŭt źjaŭlajecca karalom Litvy.
U adkazie historykaŭ padkreślivajecca, što ŭ
1430 h. Žyhimont jašče nie mieŭ tytuła impieratara Śviaščennaj Rymskaj impieryi, tamu nie mieŭ prava addavać karonu karala Litvy vialikamu kniaziu Vitaŭtu (1350—1430).
