Pra heta paviedamiŭ staršynia Nacyjanalnaj kamisii Biełarusi pa spravach JUNIESKA, pasoł pa śpiecyjalnych daručeńniach MZS Uładzimir Ščasny 5 lutaha na bryfinhu ŭ Minsku.
«Asnoŭnaja častka dakumientaŭ znachodzicca ŭ biblijatekach i archivach Sankt‑Pieciarburha. Budziem vieści pieramovy ab tym, kab zrabić kopii i pierapis taho, što tam znachodzicca», — skazaŭ jon.
Pavodle słoŭ Ščasnaha, usiebakovuju dapamohu ŭ realizacyi prajekta, u tym liku finansavuju, budzie akazvać JUNIESKA.
«JUNIESKA vydzielić 15 tys. dalaraŭ na pieršy etap. Jaki abjom pracy atrymajecca ažyćciavić na hetym etapie, vyśviatlać śpiecyjalisty paśla naviedvańnia biblijatek i archivaŭ Sankt‑Pieciarburha, — skazaŭ pasoł. — Udzieł JUNIESKA ŭ takich prajektach nadaje im asablivuju značnaść, a ŭładalniki kulturnych kaštoŭnaściaŭ lahčej iduć na kantakt».
Ščasny adznačyŭ, što pry sadziejničańni JUNIESKA ŭžo realizujecca prajekt «Archiŭ Radziviłaŭ», jaki staŭ pieršym dakumientalnym kompleksam, što pradstaŭlaje Biełaruś u rejestry JUNIESKA «Pamiać śvietu».
Pasoł padkreśliŭ, što MZS užo niekalki hadoŭ zajmajecca pytańniami viartańnia kulturnych kaštoŭnaściaŭ u krainu. «Ale heta ciažka dasiahalnaja apošnim časam meta, bo nichto nie choča viartać hetyja kaštoŭnaści. Naprykład, usie sproby viarnuć jakija‑niebudź kulturnyja kaštoŭnaści z Rasii biespaśpiachovyja i pryvodziać tolki da taho, što damaŭlajemsia pra sumiesnaje vykarystańnie. I hety šlach pakul najbolš efiektyŭny», — skazaŭ dypłamat.
Akramia taho, adznačyŭ Ščasny, MZS pracuje nad stvareńniem ličbavaj bazy źviestak źniešnich suviaziaŭ Biełarusi pačynajučy z XII stahodździa. «Ciapier my padrychtavali bazu pa XX stahodździ. Tudy ŭklučanyja dakumienty, jakija ŭsim viadomyja, ale zachoŭvalisia nie ŭ nas — naprykład, Ryžskaja i Bresckaja damovy», — skazaŭ jon.
