Na skryžavańni praśpiekta Niezaležnaści i Minskaj kalcavoj aŭtadarohi ranicaj 29 studzienia adbyłosia bujnaje DTZ.

Jak paviedamili va ŭpraŭleńni DAI Minharvykankama, prykładna

a 9.00 na hetym učastku sutyknulisia čatyry aŭtamabili.

U vyniku ranieńnie atrymaŭ adzin čałaviek. Z‑za avaryi na praśpiekcie i źjeździe na kalcavuju darohu ŭtvaryŭsia zator z aŭtamabilaŭ.

Prykładna na paŭhadziny byŭ spynieny ruch tralejbusaŭ.

Pavodle źviestak DAI, za minułyja sutki ŭ Minsku było zarehistravana 200 DTZ, ź jakich čatyry — z paciarpiełymi. Niaznačnyja traŭmy atrymali čatyry čałavieki. U horadzie było zatrymana 14 vadzicielaŭ, jakija kiravali aŭtamabilem u stanie ałkaholnaha apjanieńnia, vosiem — jakija nie mieli prava kiravać transpartnym srodkam. Pryciahnuty da administracyjnaj adkaznaści 183 piešachody‑parušalniki i 62 vadzicieli — za parušeńnie pravił prajezdu piešachodnych pierachodaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?