Brescki abłasny sud prysudziŭ miascovaha žychara da 5 hadoŭ kałonii pa 5 kryminalnych artykuła.
Pasiadžeńnie prajšło 8 krasavika. Pavodle infarmacyi «Miedyjazony», asudžanaha zavuć Alaksiej Hierman.
Hiermana pryznali vinavatym pa piaci kryminalnych artykułach:
- udzieł u ekstremisckim farmavańni (častka 3 artykuła 361-1 KK),
- dyskredytacyja Respubliki Biełaruś (artykuł 369-1 KK),
- abraza pradstaŭnika ŭłady (artykuł 369 KK),
- raspalvańnie sacyjalnaj varožaści (častka 1 artykuła 130 KK),
- abraza Łukašenki (Častka 1 artykuła 368 KK).
U paviedamleńni pres-słužby havorycca, što asudžany ŭ sakaviku-krasaviku 2022 hoda, raźmiaściŭ u «ekstremisckim» čacie paviedamleńni, nakiravanyja na «abvastreńnie napružanaści ŭ hramadstvie, destabilizacyju abstanoŭki ŭ Respubliki Biełaruś». Taksama pisaŭ «niehatyŭnyja paviedamleńni i kamientary, jakija dyskredytujuć Respubliku Biełaruś» i abražajuć słužbovych asob i Łukašenku.
Hierman na sudzie pryznaŭ svaju vinu častkova. Taksama Alaksiej pavinien apłacić štraf 200 bazavych vieličyń (8 000 rubloŭ).
Čytajcie taksama:
Asudžanaha na 20 hadoŭ Uładzimira Hundara znoŭ na hod pazbavili praduktovaj pieradačy
Žychara Pietrykava, jaki viarnuŭsia z-za miažy, asudzili na 10 hadoŭ kałonii
