Maryna Vasileŭskaja. Skrynšot «Biełaruś 1»
Zvańnie «Hieroj Biełarusi» prysvojvajecca za vyklučnyja zasłuhi pierad dziaržavaj i hramadstvam. Razam ź im dajecca šerah ilhot.
Biaspłatnyja zvanki z chatniaha telefona
Vasileŭskaja ŭ siabie doma zmoža biaspłatna karystacca stacyjanarnaj telefonnaj suviaźziu, za vyklučeńniem mižnarodnych zvankoŭ. Kali raptam u Hieroja Biełarusi niama chatniaha telefona, to dziaržava praviadzie liniju biaspłatna — pry ŭmovie, što praciahłaść abanienckaj linii budzie nie bolšaj za 500 mietraŭ.
Vyzvalajuć ad płaty za techničnaje absłuhoŭvańnie žyłoha pamiaškańnia ŭ miežach 20 kvadratnych mietraŭ. A taksama ad apłaty kamunalnych pasłuh — u miežach zaćvierdžanych normaŭ spažyvańnia na adnaho čałavieka.
Možna biaspłatna karystacca hramadskim transpartam.
Biaspłatnyja leki i azdaraŭlenčy adpačynak
Hierojam Biełarusi harantavany biaspłatnyja leki, jakija vydajucca pa receptach daktaroŭ ź pieraliku asnoŭnych lekavych srodkaŭ. Aproč hetaha, možna biaspłatna vyrablać i ramantavać zubnyja pratezy ŭ dziaržaŭnych stamatałohijach.
Maryna Vasileŭskaja atrymaje prava na pazačarhovaje miedycynskaje absłuhoŭvańnie ŭ dziaržaŭnych arhanizacyjach achovy zdaroŭja.
Raz na hod Hierojam Biełarusi vyłučajuć hrošy na azdaraŭleńnie. Zamiest ich jany majuć prava biaspłatna adpravicca na sanatorna-kurortnaje lačeńnie abo azdaraŭleńnie.
Adpačynak letam
Možna atrymlivać lhotnyja kredyty, samastojna vybirać čas adpačynku, a taksama mieć 14 dadatkovych dzion adpačynku biez zachavańnia zarobku.
Maryna Vasileŭskaja stała druhoj žančynaj, jakoj prysvoili hierojski status. Pieršaj była alimpijskaja čempijonka Darja Domračava.
Z poŭnym śpisam lhot možna aznajomicca pa spasyłcy.
Čytajcie taksama:
Pa Vasileŭskuju ŭ Maskvu adpraŭlali biznes-džet «siamji» i spalili azdableńnie samalota
Kasmanaŭtka Vasileŭskaja: U palocie dapamahaje padtrymka Łukašenki
