Ministerstva achovy zdaroŭja źbirajecca vyvučać popyt u Biełarusi na vakcynu suprać hrypu A (H1N1) , kab u nastupnym epidemičnym siezonie zakupić nie bolej i nie mieniej, čym budzie achvotnych biełarusaŭ zrabić pryščepku za svoj košt.

Pra heta paviedamiła 15 studzienia na pres‑kanfierencyi ŭ Mtnsku namieśnik ministra achovy zdaroŭja — hałoŭny sanitarny lekar Valancina Kačan.

«My prapracoŭvajem schiemu, jakim čynam vyvučyć popyt u nasielnictva, dla taho kab metanakiravana zakuplać patrebnuju kolkaść vakcyn. Kab pierad abviaščeńniem tenderu viedać patreby nasielnictva».

Pavodle jaje słovaŭ niama nieabchodnaści pryščaplać usio nasielnictva, pakolki častka ludziej užo pierachvareła ŭ lohkaj ci siaredniaj formie. Akramia taho, vakcynacyja vielmi darahaja dla dziaržavy (zakupka 1 mnł. doz rasijskaj vakcyny «Influvir» dla vakcynacyi 500 tys. čałaviek abyšłasia biudžetu ŭ 2,4 młn. dalaraŭ), ličyć Valancina Kačan.

U Biełarusi zaraz prachodzić rehistracyju jašče adna impartnaja vakcyna suprać virusa hrypu A (H1N1). Košt adnoj vakcyny składaje kala 17 dalaraŭ ZŠA biez uliku miedycynskich pasłuh i zatratnych materyjałaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?