C 17-ha pa 19-ha studzienia 2010 hoda ŭ Minsku ź vizitam budzie znachodzicca namieśnik Hienieralnaha sakratara AAN Muchamad Šaaban, paviedamlaje sajt Ministerstva zamiežnych spraŭ.

Asnoŭnaj metaj vizitu M. Šaabana źjaŭlajecca padpisańnie Miemaranduma ab supracoŭnictvie pamiž Minskim dziaržaŭnym linhvistyčnym univiersitetam (MDŁU) i sakrataryjatam AAN.

Prahramaj znachodžańnia praduhledžana sustreča vysokaha hościa z kiraŭnictvam i vykładčyckim składam MDŁU, aznajamleńnie z navučalnymi prahramami i techničnymi mahčymaściami univiersiteta.

Taksama zapłanavanaja sustreča ministra zamiežnych spraŭ Respubliki Biełaruś Siarhieja Martynava z M.Šaabanam, u chodzie jakoj płanujecca pryciahnuć uvahu da patencyjału biełaruskich śpiecyjalistaŭ, jakija mahli b paśpiachova pracavać u Sakrataryjacie AAN.

Płanujecca, što ŭ bližejšy čas na prastory SND tolki try vyšejšyja navučalnyja ŭstanovy buduć sumiesna z AAN rychtavać mižnarodnych pierakładčykaŭ vysokaha kłasa: MDŁU, Rasijski dziaržaŭny piedahahičny univiersitet imia A. Hiercena (Sankt-Pieciarburh) i Maskoŭski dziaržaŭny univiersitet.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?