Pieršapačatkova palot mieŭsia adbycca ŭ čaćvier, ale z roznych pryčyn pieraniesieny.
Siońnia na arbitu Ziamli pavinien być vyviedzieny piłatujemy kaśmičny karabiel «Sajuz MS-25». Adnym z členaŭ ekipaža i źjaŭlajecca Maryna Vasileŭskaja. Na borcie kaśmičnaha karabla taksama biełarus Aleh Navicki i amierykanka Trejsi Dajsan.
Maryna Vasileŭskaja
Stykoŭka karabla da vuzłavoha modula «Pryčał» rasijskaha siehmienta MKS pavinna adbycca ŭ niadzielu.
Aleh i Maryna praviaduć na arbicie 12 sutak i viernucca dadomu 6 krasavika na karabli «Sajuz MS-24» razam z Łorał Ešli O'Chara.
Trejsi Dajsan budzie pracavać u kosmasie 184 sutak i pryziamlicca 23 vieraśnia na karabli «Sajuz MS-25».
Maryna Vasileŭskaja ŭ 2017—2022 hadach pracavała bortpravadnicaj u «Biełavii». U 2022-m jana prajšła adbor i stała adnoj z šaści kandydatak dla ŭdziełu ŭ kaśmičnym palocie. U mai 2023 hoda stała viadoma, što jana — asnoŭny pretendent na ŭdzieł u ekśpiedycyi na Mižnarodnuju kaśmičnuju stancyju (MKS). Dubloram stała Anastasija Lankova — dziciačy chirurh ź Minska.
Zadača Maryny Vasileŭskaj — pravieści niekalki navukovych ekśpierymientaŭ dla biełaruskich navukoŭcaŭ. Kasmanaŭtka prateściruje technałohii, jakija niemahčyma pravieryć na Ziamli. Taksama jana parazmaŭlaje sa školnikami i studentami pa videasuviazi z arbity.
Čytajcie taksama:
Jakija prahramy daručyli vykanać u kosmasie pieršaj biełaruskaj žančynie-kasmanatu
Łukašenka vyznačyŭ status biełaruskich kasmanaŭtaŭ. Za dabroty treba płacić łajalnaściu
Jak Minsk vyhladaje z kosmasu FOTA
