Ilustracyjnaje fota: Ashley Chan/SOPA Images/LightRocket via Getty Images
Pavodle acenak NATA, straty Rasii ŭ vajnie suprać Ukrainy apošnim časam značna ŭzraśli, zajaviŭ u čaćvier u Brusieli hienieralny sakratar Paŭnočnaatłantyčnaha aljansu Jens Stołtenbierh. Pavodle ahučanaj im infarmacyi, zachodnija raźviedsłužby miarkujuć, što kolkaść zabitych i paranienych rasiejskich žaŭnieraŭ pieravysiła ličbu 350 tysiač. Pa słovach hienieralnaha sakratara, kraina-ahresar płacić vielmi vysokuju canu za «niaznačnyja» terytaryjalnyja zavajovy.
Ukrainskija ataki taksama patapili abo vyvieli sa stroju značnuju častku rasijskaha Čarnamorskaha fłotu, dadaŭ Stołtenbierh. U pavietranaj vajnie Ukraina, aproč inšaha, źbivaje važnyja i darahija samaloty dalokaha radyjołakacyjnaha vyjaŭleńnia i kiravańnia.
Hienieralny sakratar NATA hetym razam nie ŭdakładniŭ asobna kolkaści zahinułych rasijskich vajskoŭcaŭ. U kancy listapada 2023 hoda ŭ aljansie kazali, što takich značna bolš za 100 000 — na toj momant ahulnyja straty aceńvalisia bolš čym u 300 tysiač sałdat armii RF.
Pavodle źviestak ukrainskaha Ministerstva abarony, pavodle stanu na 14 sakavika kolkaść tolki zahinułych na vajnie suprać Ukrainy rasijskich vajskoŭcaŭ składaje 427 840 čałaviek. Hetyja pakazčyki, jak i ličby NATA, nie mohuć być paćvierdžanyja niezaležnymi ekśpiertami va ŭmovach vajny. Rasijski bok dakładnaj infarmacyi pra svaje straty nie daje.
Jens Stołtenbierh nastojliva zaklikaŭ krainy aljansu pašyryć vajskovuju dapamohu Ukrainie, jakaja ŭžo treci hod abaraniajecca ad poŭnamaštabnaha rasiejskaha ŭvarvańnia.
«Mužnaść ukraincaŭ nie vyčerpvajecca, u ich zakančvajucca bojeprypasy», — zajaviŭ jon, pradstaŭlajučy vynikovuju spravazdaču za 2023 hod.
Stołtenbierh vykazaŭ upeŭnienaść, što razam krainy NATA majuć mahčymaść dać Ukrainie toje, u čym jana maje patrebu, kab i dalej supraćstajać ahresaru. «Usie sajuźniki pavinny znajści srodki i dziejničać chutka», — padkreśliŭ jon.
U krain NATA jość patencyjał zabiaśpiečyć usim nieabchodnym Ukrainu, ale patrebna palityčnaja vola, ukazaŭ jon, spasłaŭšysia na situacyju ŭ ZŠA, dzie respublikancy ŭ parłamiencie ŭžo niekalki miesiacaŭ błakujuć praciah maštabnaj dapamohi Ukrainie.
Pry hetym kiraŭnik NATA spasłaŭsia na praviedzienaje aljansam apytańnie, padčas jakoha dźvie traciny respandentaŭ z krain, jakija ŭvachodziać u jaho, vykazalisia za praciah padtrymki Ukrainy.
Kožny dzień pramarudžańnia maje nastupstvy na poli boju, nastupiŭ «vyrašalny momant», kab nie dazvolić prezidentu RF Pucinu pieramahčy, u advarotnym vypadku heta stała b «surjoznaj histaryčnaj pamyłkaj», padkreśliŭ jon.
Čytajcie taksama:
Zialenski: Straty USU ŭ piać razoŭ mienšyja za rasijskija
Raźviedka Brytanii acaniła straty Rasii za dva hady vajny
Šajhu acaniŭ ukrainskija straty za čas vajny ŭ 444 tysiač vajskoŭcaŭ
