Skrynšot videa TASS

Skrynšot videa TASS

Rasijskaja prapahanda sprabuje vystavić heta jak «padrychtoŭku Niamieččynaj vajny z Rasijaj». Kala ŭvachodu ŭ hmach na Smalenskaj płoščy pasła čakali rasijskija prapahandysty. Dziaŭčyna ź mikrafonam telekanała «Rasija 1» pierakryła jamu ŭvachod u budynak, piša Bild.

Pasoł pasprabavaŭ adčynić inšuju stvorku dźviarej, ale jana była začynienaja, a dziaŭčyna nie adychodziła. Tady niamieckija dypłamaty siłaj adčynili adzinyja dźviery, adcisnuŭšy dziaŭčynu. «Ci možam my prajści ŭ ministerstva? U nas jość zaprašeńnie. Vialiki dziakuj», — vietliva skazaŭ Łambsdorf.

Reparciory kryčali jamu pa-niamiecku adny i tyja ž frazy: «Čamu vy płanujecie ataki na rasijskija celi?», «Vy znoŭ chočacie vajny z Rasijaj?»

Adzin małady čałaviek ź mikrafonam zabłytaŭsia ŭ niamieckaj movie i skazaŭ biessensoŭnuju frazu: «Čamu vy chočacie atakavać niamieckija celi?»

Jak piša ahladalnik Bild, «heta była prapahandysckaja ataka na hiermanskaha pasła ŭ Maskvie, jakaja abiarnułasia haniebnaj raźviazkaj».

«Rasijskaja prapahanda chacieła vykarystać pryjezd hałoŭnaha niamieckaha dypłamata ŭ maskoŭskaje ministerstva, kab šantažavać jaho i źniać skandalnyja kadry dla dziaržtelebačańnia, — adznačaje aŭtar. — Ale prapahandysckaja pastka, jakuju rasijski režym zładziŭ niamieckamu pasłu, zusim nie atrymałasia».

Čytajcie taksama:

Ministr abarony Hiermanii vykazaŭsia nakont uciečki razmoŭ niamieckich vajskoŭcaŭ pra rakiety Taurus

Uciečka pakazvaje, što Hiermanija nie tolki nie pastaŭlaje Taurus Ukrainie, ale tołkam i nie abmiarkoŭvała heta

Deputaty Bundestaha prahałasavali suprać pastavak Ukrainie rakiet Taurus

Клас
3
Панылы сорам
13
Ха-ха
37
Ого
0
Сумна
0
Абуральна
7