«Kalehi Alaksiej Dziermant i Alaksandr Špakoŭski ŭklučylisia ŭ dyskusiju nakont fihury Lva Sapiehi. Što tut skazać? Asoba sapraŭdy supiarečlivaja», — zadajecca pytańniem prapahandyst.

«Kaniešnie, jon byŭ patryjotam VKŁ, ale pry hetym polski ŭpłyŭ na jaho viaku tolki ŭzmacniŭsia. Ruski čałaviek da mozhu kaściej, jon try razy mianiaŭ relihiju. Byŭ prychilnikam uviadzieńnia carkoŭnaj unii dla zabieśpiačeńnia adzinstva hramadstva, a tym samym uvioŭ krainu ŭ chaos relihijnaha supraćstajańnia», — piša Vadzim Hihin u svaim telehram-kanale.

«Zrazumieŭ svaju pamyłku, pieraścierahaŭ Jazafata Kunceviča ad hvałtoŭnaha nasadžeńnia unii. A potym uznačaliŭ raspravu nad Viciebskam, kali horad paŭstaŭ suprać Kunceviča. Adzin z aŭtaraŭ III Statuta VKŁ. Jamu naležać pryhožyja słovy ab viaršenstvie zakona», — zaznačaje dyrektar Nacyjanalnaj biblijateki i dadaje:

«Ale i svaju siamju jon nie zabyvaŭ, zrabiŭšy jaje vielmi ŭpłyvovaj, značna pavialičyŭšy ziamielnyja vaładarstvy. Pry im złoŭžyvańni i karupcyja ŭładaŭ dasiahnuli vializnych pamieraŭ, što pryviało da paŭstańniaŭ u Mahilovie ŭ 1606-1610 hadach i ŭ Mazyry ŭ 1615 hodzie».

«I tak možna pieraličvać jašče doŭha. Leŭ Ivanavič Sapieha byŭ synam svajho času z usimi dobrymi jakaściami i niedachopami. Prosta treba hladzieć na našu historyju z šyroka raspluščanymi vačyma, a nie z pryžmurvańniem», — reziumuje Vadzim Hihin.

Čytajcie taksama:

U Biešankovičach pastaviać pamiatny znak u honar Lva Sapiehi

«Choć usryciesia tam, a maje karciny ŭžo pajšli ŭ narod». Što nie padzialili Dziermant, Špakoŭski i Žyhimont?

«Pacuki, sa svajoj krainaj vy ci zdradniki?» Hładkaja nakinułasia na «Anłajnier»

Клас
1
Панылы сорам
11
Ха-ха
20
Ого
2
Сумна
3
Абуральна
6