Ołaf Šolc i Emanuel Makron. Fota: Lewis Joly / AP
Mahčymaść adpraŭki suchaputnych vojskaŭ zachodnich krain va Ukrainu abmiarkoŭvałasia na kanfierencyi ŭ Paryžy, ale prysutnyja nie pryjšli da kansiensusu pa hetym pytańni, paviedamlaje «Suśpilnie».
Pra heta prezident Francyi Emanuel Makron skazaŭ paśla zaviaršeńnia kanfierencyi pa padtrymcy Ukrainy, jakaja adbyłasia ŭ Paryžy.
«My heta abmierkavali. Pakul kansensusu pa adpraŭcy vojskaŭ niama. Ale ŭ hetym pytańni ŭ budučyni ničoha nie varta vyklučać.
My zrobim usio mahčymaje, kab Rasija nie zmahła vyjhrać hetuju vajnu», — skazaŭ Makron.
Jon adznačyŭ, što ŭsie lidary zhodnyja z faktam, što nie chočuć ustupać u vajnu z «rasijskim narodam», a taksama vykazali namier strymlivać eskałacyju, jak jany heta robiać z pačatku ŭvarvańnia RF va Ukrainu.
Makron adznačyŭ, što zachodnija krainy «majuć namier zrabić usio nieabchodnaje, kab Rasija nie mahła» atrymać pieramohu ŭ hetym kanflikcie.
«Usio mahčyma, kali heta karysna dla dasiahnieńnia našaj mety», — skazaŭ prezident Francyi.
Sustreča ŭ Paryžy pa Ukrainie 26 lutaha
Sustreča ŭ Jelisiejskim pałacy adbyłasia ŭ Paryžy 26 lutaha. U kanfierencyi pryniali ŭdzieł kancler FRH Ołaf Šolc, prezident Polščy Andžej Duda i premjer-ministry kala 20 krain ES. Na sustrečy Złučanyja Štaty Amieryki pradstaŭlali pamočnik dziaržsakratara ZŠA pa spravach Jeŭropy i Jeŭrazii Džejms O'Brajen, a Złučanaje Karaleŭstva — kiraŭnik MZS Devid Kemieran.
Paśla sustrečy prezident Francyi Emanuel Makron zajaviŭ, što zachodnija partniory Ukrainy stvaryli kaalicyju pa pastaŭkach Ukrainie dalnabojnaha ŭzbrajeńnia. Taksama Makron nie vyklučyŭ mahčymaści adpravić vojski zachodnich krain va Ukrainu.
Čytajcie taksama:
Zialenski nazvaŭ čas pierałomnaha momantu ŭ vajnie va Ukrainie
Zialenski pra pravał kontrnastupu: płany Ukrainy byli na stale ŭ Kramli jašče da pačatku
Zialenski ŭpieršyniu nazvaŭ kolkaść zahinułych ukrainskich vajskoŭcaŭ
