Ivan Syrski Ivan Syrskij Ivan Syrsky

Ivan Syrski. Skryn videa: kp.ru

Siamiejnaje žyćcio hałoŭnakamandujučaha Uzbrojenymi siłami Ukrainy Alaksandra Syrskaha daje šmat novych siužetaŭ dla rasijskich miedyja.

Ciapier u kadry źjaviŭsia pasynak Syrskaha — Ivan. Što heta za chłopiec i jak jon źviazany novym kiraŭnikom USU? Byłaja žonka Syrskaha źjechała ŭ Aŭstraliju razam ź ich sumiesnym synam Antonam, a taksama ź Ivanam — svaim synam ad pieršaha šlubu.

Tamu ŭ Ivana Syrskaha ad kiraŭnika USU tolki proźvišča, nijakaha kroŭnaha svajactva niama.

Chłopiec źjaviŭsia ŭ rasijskim konsulstvie ŭ Sidniei i zajaviŭ ab padtrymcy Rasii.

Na videa Ivan u futbołcy ź litaraj Z znachodzicca ŭ atačeńni kazakaŭ na fonie ściaha «Sajuza kazakaŭ-voinaŭ Rasii i Zamiežža». Kazaki abiacajuć jamu padtrymku i abaronu.

Na videa Ivana prosiać skazać niekalki słovaŭ. Ale jon abmiažoŭvajecca vykazvańniem ab tym, što «zdradniki prysutničajuć usiudy, prosta treba lepš filtravać». U dalejšym jon taki ž niešmatsłoŭny. Na prośbu prakamientavać uziaćcie Aŭdziejeŭki mužčyna havoryć «Słava Rasii».

U kancy rolika na pytańnie, ci budzie brać rasijskaje hramadzianstva, Ivan Syrski adkazvaje, što płanuje.

Čytajcie jašče:

Baćki novaha kiraŭnika USU Syrskaha žyvuć u Rasii

Što viadoma pra Syrskaha, jaki zamianiŭ hienierała Załužnaha 

Клас
7
Панылы сорам
75
Ха-ха
34
Ого
3
Сумна
6
Абуральна
44