Vin Dyziel. Fota: Frazer Harrison / Getty Images

Vin Dyziel. Fota: Frazer Harrison / Getty Images

Byłaja asabistaja pamočnica amierykanskaha akciora Vina Dyziela Asta Jonasan abvinavaciła jaho ŭ seksualnym hvałcie padčas zdymak piataj častki filma «Farsaž» u 2010 hodzie, piša Bi-bi-si.

U sudovym pazovie havorycca, što jon damahaŭsia jaje ŭ numary hatela St Regis u Atłancie, ihnarujučy jaje niazhodu.

Jonasan śćviardžaje, što kali situacyja abvastryłasia, jana zakryčała i pasprabavała schavacca ŭ vannaj pakoi, ale Dyziel złaviŭ jaje, prycisnuŭ da ściany svaim ciełam i ździejśniŭ akt masturbacyi.

Pazoŭ taksama padadzieny suprać pradziusarskaj kampanii One Race Films, jakoj kiruje siastra akciora Samanta Vinsent.

Pa słovach Jonasan, Vinsent zvolniła jaje praź niekalki hadzin paśla incydentu.

«Paciarpiełaj było całkam vidavočna, što jana była zvolnienaja, bo bolš nie ŭjaŭlała cikavaści — Vin Dyziel vykarystaŭ jaje dla zadavalnieńnia svaich seksualnych žadańniaŭ», — havorycca ŭ pazovie.

«Spadarynia Jonasan adčuvała siabie biezdapamožnaj, jaje samaacenka była padarvanaja, jana pačała sumniavacca ŭ svaich ułasnych prafiesijnych navykach. Jana zadumałasia, ci nie daviadziecca joj raspłačvacca za paśpiachovuju karjeru svaim ciełam», — taksama skazana ŭ dakumiencie.

Pavodle jaje słoŭ, za niekalki dzion da incydentu z Dyzielem adzin z kiraŭnikoŭ pradziusarskaj kampanii kampanii zrabiŭ joj nieprystojnuju prapanovu ŭ tym ža hateli.

Akramia seksualnaha hvałtu sudovy pazoŭ taksama ŭklučaje ŭ siabie abvinavačvańni ŭ hiendernaj dyskryminacyi, emacyjnym stresie i niezakonnym zvalnieńni.

Advakat 56-hadovaha Dyziela (sapraŭdnaje imia Mark Sinkłer) Brajan Frydman zajaviŭ, što jaho klijent całkam admaŭlaje śćviardžeńni eks-asistentki.

«Jon upieršyniu čuje ab hetaj situacyi, jakaja nibyta adbyłasia bolš za 13 hadoŭ tamu, i kateharyčna adchilaje zajavu byłoj supracoŭnicy, jakaja prapracavała ŭsiaho dzieviać dzion», — havorycca ŭ piśmovym adkazie advakata na zapyt CNN.

Advakat Jonasan Kłer-Liz Katli zajaviła BBC News, što jaje klijentka «maje namier pryciahnuć Vin Dyziela i tych, chto dapuściŭ i schavaŭ jaho seksualny hvałt, da adkaznaści za ich aburalnyja dziejańni».

«My spadziajemsia, što jaje advažnaje rašeńnie vykazacca dapamoža damahčysia doŭhaterminovych pieramienaŭ i pašyryć mahčymaści dla inšych achviar takich situacyj», — skazała Katli.

Akramia franšyzy «Farsaž», Vin Dyziel viadomy pa takich filmach, jak «Vartavyja Hałaktyki», «CHCHCH» i «Rydyk».

Jon taksama vystupaje pradziusaram sieryjała «Farsaž» i źjaŭlajecca adnym z samych kasavych akcioraŭ Halivuda.

Клас
1
Панылы сорам
5
Ха-ха
1
Ого
1
Сумна
0
Абуральна
0