Vika Biran. Fota Alaksandry Kanančanki

Vika Biran. Fota Alaksandry Kanančanki

Vika raspaviała, što pačatkam knihi ličyć turemny dziońnik, jaki jana viała, pakul adbyvała sutki za ŭdzieł u žanočym maršy ŭ vieraśni 2020 hoda: «Pisać — heta daŭno ŭžo moj sposab pražyvańnia padziej. Kali ja ich «vypisvaju», dyk hałava robicca svabodnaj ad roznaj ch**ni, ja mahu ruchacca dalej spakojna. U kamiery była asadka i papiera, i ja pisała karocieńkija natatki».

Adnojčy padčas «šmonu» natatki znajšli i zabrali, čytali i abmiarkoŭvali supracoŭniki Akreścina:

«Tak ja zrazumieła, što ichniaja meta — zabrać u mianie jak maha bolš svabod, u tym liku i svabodu dumać i pisać pra toje, što ja liču važnym. Paśla hetaha šmonu ja pačała bolš adkazna stavicca da chavańnia svaich papierak: i ŭ majtki ich zapichvała, i ŭ škarpetki. Vielmi za ich trymałasia, bo viedała, što navat u turmie padziej adbyvajecca šmat, i jak vyjdu — dyk zabudu ŭsie drobiazi, a chočacca ich pamiatać, ad ich adšturchnucca i rušyć (jak zaŭždy) dalej. I zafiksavać usiu tuju niespraviadlivaść, što była navokał i jakoj nichto nie zasłuhoŭvaje».

Vika adznačaje, što niama nieabchodnaści tłumačyć štości ŭ knizie biełaruskim čytačam, bo jany sami ŭdzielničali ŭ apisanych padziejach. Jana taksama spadziavajecca, što inšaziemnyja čytačy nie prosta atrymajuć čarhovyja «dziažurnyja» źviestki pra «žanočuju revalucyju», pakuty mihrantaŭ na biełaruska-polskaj miažy i nibyta śmiešnaha Łukašenku, a niešta inšaje.

Kniha «Ja tancuju». Fota z fejsbuku Viki Biran

Kniha «Ja tancuju». Fota z fejsbuku Viki Biran

Zamović knihu «Ja tancuju» možna na sajtach «Knihaŭka» i Allegro.

Vika Biran nie raz niervavała biełaruskija ŭłady svaimi akcyjami. Naprykład, u 2018 hodzie jana fatahrafavałasia z płakatam «Sami vy padrobka» kala Doma ŭrada dy budynkaŭ KDB i MUS. Takim čynam jana pratestavała suprać hamafobnaj zajavy Ministerstva ŭnutranych spraŭ, jakoje aburyłasia viasiołkavym ściaham na brytanskim pasolstvie i apublikavała artykuł, u jakim baraćbu ŁHBT-supolnaści za svaje pravy nazvali padrobkaj. Za heta na dziaŭčynu skłali pratakoły za praviadzieńnie masavaha mierapryjemstva ŭ troch roznych sudach Minska.

Taksama Vika pryniesła fatahrafiju tahačasnaha ministra ŭnutranych spraŭ Ihara Šunieviča na prajd-parad, jaki prachodziŭ u štacie Kientuki, ZŠA, i paprasiła ŭdzielnikaŭ u nieardynarnych uborach sfatahrafavacca z hetym zdymkam.

Čytajcie taksama:

Aktyvistka ŁHBT vyjšła da budynka MUS z płakatam «Sami vy padrobka» FOTAFAKT

U Kientuki partret Ihara Šunieviča vynieśli na ŁHBT-parad FOTY

Pasiadzieć na hazonie kala čyhunačnaha vakzała ŭ Minsku pryjšło čatyry čałavieki FOTA

Клас
9
Панылы сорам
0
Ха-ха
1
Ого
0
Сумна
0
Абуральна
1