Zdymak ilustracyjny. Fota: STR/NurPhoto via Getty Images  

Zdymak ilustracyjny. Fota: STR/NurPhoto via Getty Images

Znajomyja pamierłaha raskazali Most, što varšaŭski kamisaryjat užo paviedamiŭ pra hetu śmierć pasolstvu Biełarusi ŭ Polščy. Ciapier svajaki šukajuć sposab dastavić cieła ŭ Biełaruś, kab pachavać Dzianisa na radzimie.

Pavodle znajomych Dzianisa, jon užo tydzień nie vychodziŭ na suviaź ź siamjoj. Kali tyja stali jaho šukać, vyśvietliłasia, što mužčyna pamior u subotu, 2 śniežnia; pakoj, jaki jon zdymaŭ mierkavana z hramadzianinam Hruzii, byŭ apiačatany palicyjaj. Heta dało znajomym padstavu mierkavać pra kryminalny charaktar śmierci.

Akramia taho, u niabožčyka byli prablemy z zakonam — pryvady za kradziažy z kramaŭ, a napiaredadni śmierci, 1 śniežnia, jon nibyta skardziŭsia siabru, što jaho źbili i jamu balać nohi.

Śledčy, jaki viadzie spravu, u razmovie z žurnalistam Most abvierh kryminalny charaktar śmierci. Praviedzienaje 11 śniežnia ŭskryćcio nibyta nie vyjaviła hvałtoŭnych pryčyn śmierci.

Dzianis Kazłoŭski źjechaŭ ź Biełarusi kala piaci hadoŭ tamu ŭ Hiermaniju. Jon doŭha šukaŭ svajo miesca ŭ Jeŭropie, žyvučy pieryjadyčna ŭ Niderłandach, Francyi, a kala paŭhoda tamu astalavaŭsia ŭ Polščy, padumvajučy viarnucca nazad u Biełaruś.

U Varšavie Dzianis zajmaŭsia fizičnaj pracaj, mierkavana myŭ butelki. Jon pieryjadyčna skardziŭsia znajomym na boli ŭ sustavach z-za chałodnaj vady. 

Čytajcie taksama:

«Biełaruś imkliva hublaje ludziej — chtości apynajecca ŭ turmie, chtości na emihracyi, chtości ŭ mahile»

U Łatvii pamior eks-palitviazień Vadzim Kavaloŭ. Jaho cieła dva miesiacy lažyć u morhu

«Nie vyjavili parušeńniaŭ». U Polščy prakamientavali samahubstva biełaruskaha palitviaźnia ŭ SIZA

Клас
3
Панылы сорам
4
Ха-ха
4
Ого
6
Сумна
31
Абуральна
2