Historyju rasijanina raspavioŭ pravaabarončy prajekt «Idzicie lesam», jaki dapamoh mabilizavanamu zjechać z RF. Pavodle pravaabaroncaŭ, Dźmitryj Siedrakoŭ źviarnuŭsia da ich u pačatku listapada. Jon byŭ mabilizavany 24 lutaha 2022 hoda. 22 krasavika 2023 hoda samavolna pakinuŭ častku. Jamu dapamahli zjechać z krainy.

7 śniežnia jaho zatrymali ŭ Hiumry. Jak raspaviadajuć pravaabaroncy, vajskoŭcy pradstavilisia vajskovaj palicyjaj Armienii, ale na avatarcy ŭ WhatsApp u čałavieka, jaki telefanavaŭ žoncy Siedrakova, na kiepcy litara była Z.

Ciapier Siedrakoŭ znachodzicca na rasijskaj vajskovaj bazie ŭ Hiumry.

«Heta, biezumoŭna, aburalny vypadak. Pa sutnaści rasijskija vajskoŭcy vykrali čałavieka na terytoryi čužoj dziaržavy. Heta pieršy taki vypadak», — havorać pravaabaroncy.

Pravaabaronca Artur Sakunc zajaviŭ armianskaj słužbie «Radyjo Svaboda», što rasijskaja vajennaja palicyja nie maje prava zatrymlivać u Armienii navat hramadzian RF, heta mohuć rabić tolki pravaachoŭnyja orhany samoj Armienii (rasijski bok pavinien źviazacca ź imi dla pošuku hramadzianina).

Pravaabaronca nazvaŭ dziejańni rasijskaj vajskovaj palicyi «atakaj na pravavuju sistemu Armienii, na Armieniju jak suvierennuju dziaržavu».

Pravaabaroncy patrabujuć ad uładaŭ Armienii viarnuć rasijanina pad «pravavuju abaronu Respubliki Armienija».

Čytajcie taksama:

Armienija admoviłasia ad udziełu ŭ jašče adnym mierapryjemstvie ADKB

Zarobki ŭ Biełarusi nižejšyja, čym u Rasii, Kazachstanie i Armienii

Pašynian abvinavaciŭ Rasiju ŭ niepastaŭcy zbroi

«Sumnavata jamu było, padobna, biez spadara Pašyniana». Śpieckarespandent «Kommiersanta» pakpiŭ z Łukašenki ŭ repartažy z samita ADKB

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?