Skrynšot videa ŭ tyktoku

Skrynšot videa ŭ tyktoku

Palina Papkova (u tyktoku błohierka _poli_k_ i) da niadaŭniaha času słužyła ŭ 48-m asobnym bataljonie radyjoelektronnaj baraćby ŭ Breście. Usiaho va Uzbrojenych siłach Palina adsłužyła amal piać hadoŭ (zvolnili jaje za 3 miesiacy i 13 dzion da skančeńnia kantraktu). Pieršyja dva z pałovaj hady jana słužyła ŭ 10-m asobnym bataljonie radyjoelektronnaj baraćby ŭ Barysavie. Dziaŭčyna dzialiłasia ŭ sacsietkach, što heta była jaje dziciačaja mara.

Prykładna hod tamu jana pačała vieści akaŭnt u tyktoku — zapisvać humarystyčnyja videa, šmat na jakich Palina ŭ vajskovaj formie. Błohierka tłumačyła padpisčykam, što jaje kiraŭnictva z samaha pačatku viedała pra heta i dazvoliła vieści tyktok u takim farmacie. Pry hetym jana zaŭsiody zapisvała videa tolki ŭ siabie doma, a na pracy zhodna z praviłami chadziła z knopkavym telefonam.

Ale adno videa, padobna, kamuści vielmi nie spadabałasia — navina pra jaho, pa słovach dziaŭčyny, dajšła navat da «vysokaha kiraŭnictva» (ciapier rolik vydaleny, jak i akaŭnt Paliny ŭ instahramie).

«Ci viedajecie vy, za što ŭ 21 stahodździ zvalniajuć z Uzbrojenych sił Respubliki Biełaruś za čatyry miesiacy da skančeńnia kantrakta?» — spytała Palina ŭ svaich padpisčykaŭ i sama adkazała: «Za videa ŭ tyktoku».

U kamientarach dziaŭčyna śćviardžaje, što zvolnić jaje skazaŭ ministr abarony Viktar Chrenin.

Pakolki aficyjna zvolnić za tyktok pa biełaruskim zakanadaŭstvie nie mohuć, treba było znajści pryčynu. Palina kaža, što dla hetaha joj dali try vymovy za dva dni i adpravili na atestacyjnuju kamisiju, jakuju jana nie prajšła.

Niechta pačaŭ złaradničać, što ciapier pryhožaj dziaŭčynie daviadziecca viartać kantraktnyja. Adnak jana ŭdakładniła, što atrymała b hrošy, tolki adsłužyŭšy piać hod da kanca. Tak što tyja, chto znajomy ź sistemaj, pavinšavali dziaŭčynu i nazvali takoje zvalnieńnie padarunkam, bo paźniej usio abyšłosia b značna daražej. Adzin z padpisčykaŭ paškadavaŭ, što amal piać hadoŭ vypali ŭ dziaŭčyny sa strachavoha stažu.

@_poli__k__ Poka sobirałaś na ztmniuju rybałku, riešiła zapisať vam vidosik #BLR #biełaruś #rb #❤️ # #rieki #riekomiendaci #triend ♬ orihinalnyj zvuk - Anechka

Mnohija mužčyny, jakija słužyli pa kantrakcie ŭ biełaruskim vojsku, zajzdrościli joj i pisali ŭ kamientaryjach, jak sami sprabavali choć niejak dabicca zvalnieńnia.

«Ja dzieviać miesiacaŭ sprabavaŭ zvolnicca, nie adpuskali. Kazali, tolki kali budzieš na KPP harełku pić, tady zvolnim», «Ja na pracu nie chadziŭ dva tydni i nie zvolnili. Taksama dzieviać miesiacaŭ zvalniaŭsia», «Ja prychodziŭ na pracu raz na 10 dzion. Praź piać miesiacaŭ takoj słužby zvolnili pa ŭłasnym žadańni. Uvieś hety čas płacili zabieśpiačeńnie, jak naležyć».

Kažuć, što kali b viedali, što možna było prosta źniać videa, zekanomili b šmat niervovych kletak. 

Adna z žančyn padtrymała Palinu: «A ŭvohule takoje adčuvańnie, što zaraz ad žančyn na słužbie prosta šukajuć pryčynu pazbavicca. U Departamient achovy naohuł žanočy poł nie biaruć».

Palina nie adzinaja błohierka ŭ Biełarusi, jakaja zapisvała videa ŭ formie. Jość biełaruski błohier voenkom.pro — pałkoŭnik Rusłan Škodzin, vajenny kamisar Viciebskaj vobłaści, deputat Viciebskaha abłasnoha Savieta deputataŭ. Prychilnikaŭ jaho śpiecyfičnaha humaru chapaje. Rusłan maje bolš za 735 tysiač padpisčykaŭ.

@voenkom.pro Otviet polzovatielu @leshka158 ♬ orihinalnyj zvuk - music23

Niekatoryja ź ich spytali, čamu dziaŭčynu (mierkavana havorka idzie pra Palinu Papkovu) zvolnili z armii za tyktok, kali heta nie zabaroniena. Toj adkazaŭ, što nie bačyŭ akaŭnt nijakaj dziaŭčyny: «Usie vajskoŭcy — dziaŭčaty, mužyki — kirujucca voś takoj zialonaj knihaj «Ahulnavoinskija statuty». Kali parušajuć, mohuć być zvolnienyja. Paradak zvalnieńnia vyznačany ŭ zakonie voinskaha abaviazku i vajskovaj słužby. Kankretna za što moža być zvolnieny vajskoviec, prapisana ŭ kantrakcie ab prachodžańni vajskovaj słužby. Tam šmat punktaŭ, u nas vielmi surovy kantrakt. Ale razam z tym skažu vam, tyktoku nijakaha tam niama».

@tokbelarus «Chrenin – bieschrybietny, ale vielmi zručny». Sachaščyk-małodšy raspavioŭ, kaho z hienierałaŭ pavažajuć u biełaruskim vojsku #Biełaruś #armijabiełarusi #armija #vsrb #połkkalinovskoho #novostibiełarusi #biełaruśnovosti #našaniva ♬ Softcore - avdloss

Čytajcie taksama:

Viciebski vajenkam pryvabiŭ «sałdackim humaram» bolš za paŭmiljona čałaviek

Ministr abarony Chrenin pryvatyzavaŭ apartamienty ŭ centry Minska. Viadoma, z rublovaj rasterminoŭkaj

«Vierchniaja piatla pravaj častki varot adarvałasia, i varoty ŭpali na staršaha lejtenanta». Belpol daviedaŭsia pra budni «12-j armii śvietu»

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?