Ilustracyjny zdymak. Fota: telehram-kanał «Varšavka Hranica Briest-Tieriespol»

Ilustracyjny zdymak. Fota: telehram-kanał «Varšavka Hranica Briest-Tieriespol»

Litva

Biełarusy, jakija tydzień tamu jechali ŭ Litvu na maršrutcy praz «Pryvałku», kažuć, što prachodžańnie miažy zaniało 7 hadzin. Inšyja čytačy 5 śniežnia viartalisia maršrutkaj ź Litvy ŭ Biełaruś praz «Bieniakoni», u ich na prajezd praź miažu syšło kala 3,5 hadziny.

Na aŭto praz «Kamienny Łoh» 6 śniežnia prajazdžali abiedźvie miažy ŭ siarednim za 10-12 hadzin, tak było ŭ napramku Biełaruś-Litva.

Krychu chutčej pierasiakali miažu ŭ apošnija dni lehkaviki, jakija jechali ź Litvy ŭ Biełaruś, karystalniki admysłovych čataŭ adznačajuć, što 5-6 śniežnia na prajezd miažy sychodziła ad 7 da 9 hadzin.

Aŭtobusy ŭ noč z 6 na 7 śniežnia prajazdžali miažu davoli chutka — za 2,5 hadziny. Tydzień tamu na heta sychodziła da 7 hadzin, pišuć u čatach.

Čytač, jaki ŭ apošnija dni listapada jeździŭ na mašynie ŭ Litvu praz punkt propusku «Pryvałka», raspavioŭ, što ahułam pravioŭ u čerhach kala paŭtara sutak.

Ź Biełarusi ŭ Litvu jon dabraŭsia za 14 hadzin, a ŭ zvarotnym kirunku na prachodžańnie miažy ŭ jaho syšło bolš za 20 hadzin. Mužčyna kaža, što pravodzić sutki ŭ čarzie, kali jedzieš na ŭłasnym aŭto, pačynaje być normaj.

Polšča

Čytačy, jakija ŭ noč z 6 na 7 śniežnia jechali z Polščy ŭ Biełaruś na aŭtobusie praz «Brest», kažuć, što abiedźvie miažy prajšli za 10 hadzin. 

Fota: Straż Graniczna

Fota: Straż Graniczna

Inšaja čytačka 6 śniežnia viartałasia ź Biełarusi ŭ Polšču, praviała na miažy 7 hadzin. 

Kudy bolš času zajmaje prajezd biełaruska-polskaj miažy na aŭto. Čytač, jaki dniami viartaŭsia z Varšavy ŭ Hrodna, kaža, što šlach da domu zaniaŭ 29 hadzin, kala 22 ź jakich mužčyna pravioŭ u čarzie ŭ punkcie propusku «Brest».

Łatvija

Łatvijski kirunak tradycyjna zastajecca najmienš zahružanym. Prajezd praź biełaruska-łatvijskuju miažu praz adziny dziejučy punkt propusku «Hryharoŭščyna» zajmaje ad 1 da 4 hadzin, pišuć u admysłovym čacie. Niaredka zdarajecca, što čarhi ź lehkavikoŭ niama zusim. Niekatoryja kiroŭcy, kab nie stajać u vielizarnych čerhach na biełaruska-litoŭskich punktach propusku, robiać davoli vialiki kruh i jeduć ź Biełarusi ŭ Litvu praz Łatviju.

Čytajcie taksama:

Bolš za 3100 hruzavikoŭ čakajuć na biełaruskaj miažy ŭjezdu ŭ ES

660 hruzavikoŭ stajać u čarzie na ŭjezd z Łatvii ŭ Biełaruś

Prapuścili 10% hruzavikoŭ ad normy. Što z čerhami na miažy

Клас
9
Панылы сорам
9
Ха-ха
5
Ого
7
Сумна
13
Абуральна
26