Pierad hulnioj pad kiraŭnictvam zahadčyka adździeła vučebnaj raboty, nastaŭnika historyi i hramadaznaŭstva Ihara Novikava dzieci zapoŭnili ankietu «Što vy viedajecie i dumajecie pra ekstremizm?», paśla im raskazali praviły hulni, raźmierkavali roli — sudździa, sakratar, prakuror, advakat, śviedki, paciarpiełyja, ekśpierty, prysiažnyja zasiadacieli — i pačali padrychtoŭku, paviedamlajecca ŭ pres-relizie centra.

Pierad pačatkam hulni Ihar Novikaŭ, jaki ŭziaŭ na siabie rolu «sudździ», «akcentavaŭ uvahu na važnaści i aktualnaści temy». Potym pačali «sudovaje pasiadžeńnie, jakoje pravodziłasia ŭ formie dziełavoj hulni», metaj jakoj u centry nazyvajuć «stvareńnie ŭmoŭ dla farmavańnia ŭstojlivaj admoŭnaj pazicyi ŭ adnosinach da prajavaŭ ekstremizmu ŭ vučniaŭ».

Vynikam suda prahnazavana stała «vyniasieńnie prysiažnymi zasiadacielami abvinavaŭčaha vierdyktu, jaki loh u asnovu prysudu suda».

U sučasnaj biełaruskaj rečaisnaści jak «ekstremizm» traktujucca lubyja, navat samyja biaskryŭdnyja pohlady, alternatyŭnyja tym, jakija naviazvajucca represiŭnym palityčnym režymam Alaksandra Łukašenki.

Čytajcie taksama:

Pasoł u Rasii apraŭdvaŭsia za vyviezienych u Biełaruś ukrainskich dziaciej 

U łahiery «Zubrania» adkryli kutok pamiaci rasijanina, jaki zahinuŭ na impieryjalistyčnaj vajnie va Ukrainie

Školny cir — novy trend u patryjatyčnym vychavańni

Клас
2
Панылы сорам
28
Ха-ха
3
Ого
1
Сумна
2
Абуральна
39