Pa infarmacyi Baza, pryčynaj pažaru hruzavoha ciahnika staŭ hetym razam vybuch dźviuch cysternaŭ z palivam. Ciahnik, jak śćviardžajecca, jechaŭ pa abjaznym šlachu, kali zdetanavali cysterny z dyzpalivam i zaharelisia šeść vahonaŭ.

Na hety momant čatyry vahony tak i nie patušanyja. Pryčyny vybuchu pakul nie viadomyja ci nie nazyvajucca.

Pavodle papiarednich źviestak, hetym razam taksama abyšłosia biez paciarpiełych. Na miesca dla tušeńnia adpraviŭsia pažarny ciahnik.

Raniej, unačy z 29 na 30 listapada, na pierahonie Itykit-Akusikan Uschodnie-Sibirskaj čyhunki, padčas ruchu pa Paŭnočnamujskim tuneli (jaho daŭžynia 15 kiłamietraŭ) zahareŭsia vahon, jaki znachodziŭsia ŭ składzie hruzavoha ciahnika, jaki pieravoziŭ paliva (u tym liku avijacyjnaje) i kalarovyja mietały.

Ukrainskija kanały paviedamili pra heta zdareńnie i nazvali jaho ŭkrainskaj dyviersijaj. U Rasii ž vystaŭlajuć inšuju viersiju. Maŭlaŭ, pavodle papiarednich źviestak, pryčynaj načnoha pažaru stała zamykańnie kabielnaj sietki. 

Bajkała-Amurskaja mahistral — heta adziny surjozny šlach znosin pamiž Kitajem i RF, jakuju Rasija, vierahodna, vykarystoŭvaje ŭ tym liku i dla vajennych pastavak. Pavodle ŭkrainskich miedyja, ciapier jana nibyta paralizavanaja.

Čytajcie taksama:

Rasijskija kanały paćvierdzili zdareńnie ŭ tuneli na Bajkała-Amurskaj mahistrali, ale dali svajo tłumačeńnie

Na BAMie adbyŭsia vybuch. Heta ŭkrainskaja dyviersija — Suśpilnie

Ukraina maje prava likvidavać Pucina pry pieršaj ža mahčymaści — Zialenski

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?