Sam kamientar biznesoviec nazvaŭ mahčyma, samym horšym za ŭsiu historyju jaho pastoŭ u sacsietkach, siarod jakich, jak jon pryznaŭ, było niamała «durnych».

Adkazvajučy na ​​pytańnie ab bajkocie rekłamadaŭcaŭ, uładalnik X zajaviŭ, što admoviŭšysia ad rekłamy ŭ sacsietcy, kampanii mohuć nie viartacca. Jon nazvaŭ ich dziejańni «šantažom»: 

«Kali niechta sprabuje šantažavać mianie rekłamaj, šantažavać mianie hrašyma, idzicie na ch*j. Idzicie na ch*j. Heta zrazumieła? Spadziajusia, što tak.

«Mianie chvaluje realnaść dabra, a nie jahonaje ŭsprymańnie. I paŭsiul ja baču ludziej, jakija kłapociacca ab tym, kab vyhladać dobra, robiačy pry hetym zło. Da djabła ich», — taksama zajaviŭ biznesoviec, krytykujučy rekłamadaŭcaŭ.

U tym ža intervju Mask adznačyŭ, što rekłamny bajkot pryviadzie da hibieli Ch.

«Heta toje, pra što buduć viedać usie na Ziamli, — skazaŭ jon. — Nas nie budzie, i heta adbudziecca z-za bajkotu rekłamadaŭcaŭ». 

Bujnyja kampanii, u tym liku IBM, Apple i Disney, prypynili raźmiaščeńnie rekłamy paśla taho, jak Iłon Mask napisaŭ 15 listapada ŭ svaim akaŭncie «Vy skazali čystuju praŭdu» ŭ adkaz na paviedamleńnie karystalnika, jaki śćviardžaŭ, što habrejskija abščyny padtrymlivajuć «dyjalektyčnuju nianaviść da biełych». 

Mask nieadnarazova zajaŭlaŭ, što škaduje ab publikacyi hetaha pasta. Pry hetym miljarder admaŭlaŭ abvinavačańni ŭ antysiemityźmie. Na fonie skandału jon naviedaŭ izrailski kibuc Kfar-Aza la miažy ź siektaram Haza, na jaki 7 kastryčnika napali bajeviki CHAMAS.

Čytajcie taksama:

Iłan Mask: CHAMAS pavinien być źniščany

Mask padaŭ «termajadzierny pazoŭ» na Media Matters za abvinavačvańni ŭ antysiemityźmie

Mask paabiacaŭ błakavać akaŭnty ŭ tvitary za antyizrailskija łozunhi

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?