scented candle aramatyzavanyja śviečki aromatizirovannyje śvieči

Fota: Anastasiia Krivenok / Getty Images

Na pačatku prapanujem sposaby vykarystańnia, jakija nie patrabujuć vialikich namahańniaŭ, a voś karyść ad ich budzie adčuvalnaj.

Zamiena nakaniečnika ŭ šnurkach

Kali mietaličnyja ci płastykavyja nakaniečniki šnurkoŭ złamalisia ci znasilisia, nie śpiašajcie kuplać novyja. Prosta maknicie kancy ŭ raspłaŭleny vosk (ci parafin) i zatym palcami prydajcie patrebnuju formu.

Pryjemny pach u pakoi

Kali ŭ vas abharki aramatyzavanych śviečak, to źmiaścicie ich u ciažkuju šklanku i pastaŭcie na radyjatar. Vosk pačnie pastupova raźmiakčacca, a pakoj — napaŭniacca pryjemnymi pachami.

Prybirańnie drapin na pavierchni z dreva

Stary aharak niejtralnaha koleru ad śviečki dapamoža prybrać drapinu z pavierchni mebli. Dla hetaha prosta trycie im paškodžanaje miesca da toj pary, pakul parafin ci vosk nie zapoŭnić pahłybleńnie.

Srodak dla zacirki švoŭ plitki

Parafin ad śviečak moža pieraduchilić źjaŭleńnie ćvili ŭ vannym pakoi. Spačatku staranna ačyścicie švy, a zatym zapoŭnicie ŭsie pramiežki parafinam.

Kali ž vam padabajecca niešta zrabić ułasnymi rukami, to voś niekalki padkazak

Na pačatku vam treba budzie rastapić vosk (parafin). Dla hetaha pažadana jaho zdrabnić. Dobra dla hetaha padychodzić tarka. Zatym zdrobnienaja masa ssypajecca ŭ blašanku, jakaja stavicca ŭ kastrulu na vadzianuju baniu.

Jak tolki vosk rastopicca, to blašanku vymajuć (pakłapaciŭšysia ab tym, kab nie apiačy ruki!) i pieralivajuć u formački. Taki čynam možna zrabić:

Novyja śviečki

Dla nadańnia formy možna, naprykład, vykarystać formački dla zamarožvańnia lodu ci dla mafinaŭ. A ŭ jakaści knota padydzie kavałak toŭstaj bavaŭnianaj nitki.

Kali ŭ vas sabrałasia šmat abharkaŭ, to možna zrabić bolšuju śviečku. A ŭ jakaści formy vykarystać šklanku. Pry žadańni ŭ vosk (parafin) možna dadać śpiecyi (lepš za ŭsio hvaździku ci anis) a taksama efirnaje masła.

Raspalvalniki ahniu

Dla tych, chto lubić pikniki na pryrodzie, rekamiendujem zrabić raspalvalniki ahniu. U jakaści formy dobra padydzie pustaja karobka jad jajek. U kožnuju adtulinu možna pakłaści ščepki, stružku ci drobna narezanuju papieru. Taksama ŭ centr kožnaj jačejki źmiaščajecca knot. Zatym zalivajecca raspłaŭleny vosk (ci parafin). Pakul jon nie zaćviardzieje, možna dadać sasnovuju šyšku.

Sačycie za tym, kab častka knotu zastałasia nad pavierchniaj. Paśla taho, jak vosk zaćviardzieje, nažnicami razrežcie karobku pa formie jačejek.

Aramatyzavanyja miašečki

Kali vy lubicie vykarystoŭvać aramatyzavanyja śviečki, to možna pierapłavić aharki, dać zaćviardzieć, zatym parezać na kavałački, jakija źmiaścić u nievialički miašečak i pakłaści, naprykład, u šafu ci kamodu z adzieńniem ci navat u sałon aŭtamabila.

Piačatka na liście

Dla ŭsich ramantykaŭ i amataraŭ tvorčaha padychodu reštki vosku ad śviečak mohuć być pieraŭtvorany ŭ pryhožyja piačatki na kanviercie, jaki źmiaščaje, naprykład, zaprašeńnie na viasielle. Dla hetaha na kanviert u miescy zakryćcia vylivajecca prykładna stałovaja łyžka raspłaŭlenaha vosku i prydušvajecca korkam ad vina ci tylnym bokam łyžki.

Čytajcie jašče:

Nie vykidajcie abhortku ad masła: voś što možna ź joj zrabić

Nie vykidajcie łupiny bananaŭ — dla ich jość dobraje prymianieńnie

Piać sposabaŭ vykarystać lišniuju kavavuju hušču

Клас
18
Панылы сорам
1
Ха-ха
3
Ого
2
Сумна
0
Абуральна
3

Chočaš padzialicca važnaj infarmacyjaj ananimna i kanfidencyjna?