Ściahi krain-udzielnic ADKB. Fota: MZS Rasii

Ściahi krain-udzielnic ADKB. Fota: MZS Rasii

Sakrataryjat Arhanizacyi Damovy ab kalektyŭnaj biaśpiecy (ADKB) faktyčna abvierhnuŭ apublikavanyja pres-słužbaj Alaksandra Łukašenki słovy hienieralnaha sakratara ADKB Imanhali Tasmahambietava pra admovu Armienii ad dapamohi błoka, piša «Pozirk».

Pa vynikach sustrečy Tasmahambietava z Łukašenkam 20 listapada ŭ Minsku pres-słužba apošniaha prypisała hiensakrataru ADKB zajavu pra toje, što adno z dvuch niavykananych mierapryjemstvaŭ «pa realizacyi rašeńniaŭ Savieta kalektyŭnaj biaśpieki listapadaŭskaj siesii minułaha hoda i pryjarytetnych napramkaŭ Biełarusi» — daručeńnie SKB «pa dapracoŭcy rašeńnia pa dapamozie Armienii».

«Armianski bok, choć usie astatnija sajuźniki padtrymali hetaje rašeńnie, nie vykazvaŭ nijakaj svajoj cikavaści da hetaha dakumienta i, bolš za toje, u zaviaršalnaj častcy našaj pracy jany paprasili jaho ŭvohule źniać z paradku dnia», — zajaviŭ Tasmahambietaŭ, kali vieryć pres-słužbie Łukašenki.

21 listapada sakrataryjat ADKB vystupiŭ z kamientaryjem, u jakim paviedamiŭ, što ŭ pieryjad staršynstva Biełarusi «ŭ pracy dahetul znachodzilisia dva dakumienty, jakija mieli dačynieńnie da stabilizacyi abstanoŭki na Paŭdniovym Kaŭkazie».

«Havorka idzie pra prajekty rašeńnia SKB ADKB «Ab sumiesnych mierach pa akazańni dapamohi Respublicy Armienija» i zajavy ministraŭ zamiežnych spraŭ dziaržaŭ — členaŭ arhanizacyi ŭ padtrymku namahańniaŭ pa dasiahnieńniu miru ŭ hetym rehijonie. Napiaredadni pasiadžeńniaŭ statutnych orhanaŭ ADKB u Minsku armianski bok prapanavaŭ źniać z razhladu prajekt zajavy. Praca nad prajektam rašeńnia SKB ab nakiravańni ŭ Armieniju manitorynhavaj misii i akazańni inšych praktyčnych mier praciahvajecca», — havorycca ŭ kamientaryi.

Čytajcie taksama:

Armienija paprasiła partnioraŭ u ADKB źniać z paradku dnia dakumient ab dapamozie krainie

Pašynian: U Baku Armieniju nazyvajuć «Zachodnim Azierbajdžanam»

Pašynian skazaŭ Łukašenku, kab na ADKB jaho nie čakali

Armienija moža zakryć rasijskuju vajskovuju bazu — Pašynian

Клас
1
Панылы сорам
0
Ха-ха
3
Ого
0
Сумна
0
Абуральна
4