Pavodle KDB, havorka idzie pra adzin z najbujniejšych internet-ahrehataraŭ u halinie pasažyrskich pieravozak (kampanija nie nazyvajecca), jaki abjadnaŭ na svajoj płatformie bolš za 300 pieravozčykaŭ.

KDB abvinavačvaje ŭładalnikaŭ internet-resursa ŭ tym, što tyja nibyta zmušali kiroŭcaŭ vazić pasažyraŭ nielehalna. «Za dostup da klijenckich baz i zahruzki pasažyrami prasili rehularna dzialicca ź imi niaŭličanaj najaŭnaściu. Kab vykanać hetuju ŭmovu, pieravozčyki chavali abjomy ŭłasnaj vyručki: nie vydavali pasažyram kvitki, vykonvali niaŭličanyja rejsy», — śćviardžaje KDB.

«Niekatoryja pieravozčyki, jakija žadali pracavać niezaležna ad uładalnikaŭ hetaha internet-resursa, załučalisia ŭ złačynnuju dziejnaść šlacham šantažu i pahroz», — dadaje KDB.

Dziejańnie ŭdzielnikaŭ złačynnaj hrupy kvalifikavanyja pa artykule 243 Kryminalnaha kodeksa Respubliki Biełaruś jak uchileńnie ad vypłaty padatkaŭ. U jakaści padazravanych i abvinavačanych pryciahnuli bolš za 20 asob. «U ciapierašni čas fihuranty supracoŭničajuć sa śledstvam, dajuć pryznalnyja pakazańni i prymajuć miery dla pakryćcia naniesienaj dziaržavie škody», — havorać u KDB.

Biełaruskaje telebačańnie anansavała vychad siužetu, u jakim raspaviadzie nie tolki pra schiemy sychodu ad vypłaty padatkaŭ, ale i pra toje, jak «asobnyja kamiersanty sprabavali zładzić sabataž i dyskredytavać uładu».

Siońnia na naradzie ŭ Łukašenki stali viadomyja padrabiaznaści jašče adnoj bujnoj spravy — tak zvanaj «małočnaj». 

Čytajcie taksama:

«Małočnaja sprava»: u čym abvinavačvajuć hiendyrektara «Babuškinoj krynki»

Łukašenka zahadaŭ usim firmam taksi pierajści ŭ biełaruskuju jurysdykcyju. A taksama źlivać infarmacyju pra pajezdki 

Клас
3
Панылы сорам
24
Ха-ха
8
Ого
1
Сумна
3
Абуральна
10