Hulcy moładzievaj zbornaj Erytrei na turniry va Uhandzie ŭ 2019 hodzie. Fota: AP

Hulcy moładzievaj zbornaj Erytrei na turniry va Uhandzie ŭ 2019 hodzie. Fota: AP

Fiederacyja futboła Erytrei adklikała svaju mužčynskuju zbornuju z adboračnaha turniru čempijanatu śvietu 2026 hoda z-za bojazi, što hulcy pasprabujuć atrymać palityčny prytułak padčas pajezdak za miažu, paviedamlaje Guardian.

U sumiesnaj zajavie FIFA i Kanfiederacyi afrykanskaha futboła (za niekalki dzion da taho, jak zbornaja pavinna była adpravicca ŭ Maroka na svoj pieršy matč, havaryłasia, što «ŭsie matčy Erytrei byli admienienyja», ale tady nie ŭtrymlivałasia nijakich tłumačeńniaŭ.

Nacyjanalnaja fiederacyja futboła Erytrei (ENFF) pakul nie prakamientavała situacyju, ale viadoma, što miascovyja hulcy rychtavalisia da dvuch pieršych matčaŭ svajoj adboračnaj kampanii na praciahu troch miesiacaŭ, pierš čym u kancy kastryčnika im paviedamili, što jany nie voźmuć udziełu.

Niekatoryja členy miascovaj fiederacyi futboła sprabavali pierakanać Ministerstva sportu i kultury dać kamandzie dazvoł na hulniu, ale kamisar pa sporcie i kultury Zemiede Tekle admoviŭ u hetym.

***

Zbornaja Erytrei źjaŭlajecca adnoj z najsłabiejšych zbornych śvietu. Jana była na 200-m miescy u rejtynhu FIFA (rejtynh abjadnoŭvaje 207 zbornych), a zaraz u im nie paznačana.

Zbornaja ni razu nie ŭdzielničała ŭ Kubku afrykanskich nacyj, jaki źjaŭlajecca hałoŭnym kantynientalnym turniram u Afrycy. Naturalna, ni razu nie kvalifikavałasia na čempijanat śvietu.

U śniežni 2009 hoda, paśla projhryšu ŭ čverćfinale Kubka Uschodniaj i Centralnaj Afryki ŭ Najrobi (Kienija), zbornaja ŭ poŭnym składzie źnikła ŭ nieviadomym kirunku. U Erytreju viarnuŭsia tolki hałoŭny trenier i achoŭnik zbornaj. Praź niekatory čas futbalisty źviarnulisia ŭ arhanizacyju pa spravach biežancaŭ Kienii z prośbaj ab nadańni palityčnaha prytułku.

Čytajcie taksama:

Stała viadoma, čaho choča ad fiederacyi futboła Hieorhij Kandraćjeŭ

Z bresckim «Dynama» zhulała kamanda rasijskich komikaŭ, jakija vystupali ŭ «DNR». Hledačoŭ sabrałasia niamała

Eks-hulca zbornaj Rasii aryštavali z paŭkiłahrama narkotykaŭ

Клас
2
Панылы сорам
5
Ха-ха
9
Ого
3
Сумна
13
Абуральна
1