Zdymak maje ilustracyjny charaktar. Fota: TUT.BY

Zdymak maje ilustracyjny charaktar. Fota: TUT.BY

Źnižki na pradukty dachodziać da 50%

Sietka «Jeŭraopt» abjaviła dni «čornych cen» užo na hetym tydni — z 10 pa 11 listapada. Źnižkavy asartymient davoli vialiki, u jaho ŭvajšli roznyja hrupy tavaraŭ. Heta, ŭ tym liku, aharodnina i sadavina, małočnyja, miasnyja i kaŭbasnyja vyraby, ryba, bakaleja, napitki, kansiervacyja, dziciačaje charčavańnie, korm dla žyvioł. Akramia praduktaŭ, tudy ŭklučyli kaśmietyku, bytavuju chimiju, tavary dla dziaciej (u asnoŭnym padhuźniki), jość niekalki najmieńniaŭ bytavoj techniki i inšaje.

Rytejler paviedamiŭ, što ŭ śpisie ŭkazany ceny na tavary pa stanie na 10 listapada, ale ŭžo na nastupny dzień cana moža być źmieniena. Adznačajecca, što akcyjnyja tavary možna budzie nabyć tolki ŭ hipiermarkietach.

Rytejler «Hipa» abviaściŭ «čornuju piatnicu» z 10 pa 12 listapada. Tavaraŭ pa «supiercenach» tam prapanujuć mienš, čym u «Jeŭraopcie», ale ŭsio ž vybrać jość z čaho.

U listapadzie ŭ kramach «Hryn» akcyjnyja tavary pradajuć z 9 pa 21 listapada, ale zaŭtra, 11 listapada, handlovaja sietka abviaściła akcyju «Suśvietny dzień šopinhu». Miarkujučy pa katałohu, pad akcyju patrapili 66 tavaraŭ. Pačynajucca skidki ad 14%. Samy vialiki minus u canie pastavili na bujaki — 38%, skrynačku vahoj 125 hram možna budzie kupić za 7,99 rubla zamiest 12,99 rubla.

Z 14 pa 16 listapada handlovaja sietka «Karona» abviaściła «marafon skidak». Na niekatoryja tavary źnizili canu na 40-50%. Naprykład, kiłahram pialmieniaŭ sa śvininy i kurycy ŭłasnaha pryhatavańnia pradaduć za 5,77 rubla, a ŭ zvyčajnyja dni jany kaštavali 10,5 rubla.

Na niekatoruju kaśmietyku minus 60%

Internet-krama 21vek.by z 23 pa 26 listapada praviadzie rasprodaž, skidki dasiahnuć 40%. Praŭda, pakul nie paviedamlajecca ab tym, što kankretna patrapić pad akcyju.

Staličny HUM ładzić dzień šopinhu ŭ subotu, 11 listapada. Źnižki tam buduć ad 25 da 35% na mužčynskaje i žanočaje adzieńnie i trykataž.

A voś u CUMie źnižkavyja dni byli na hetym tydni - z 8 pa 10 listapada. Jany dachodzili da 40% na niecharčovyja tavary. Na bujnuju bytavuju techniku źnižka 15% budzie da 30 listapada.

Handlovy dom «Na Niamizie» abviaściŭ «čorny rasprodaž» z 10 pa 12 listapada. Hetymi dniami źnižka budzie dachodzić da 60% na niecharčovyja tavary z roźničnaj canoj bolš za 5 rubloŭ. Bolej za ŭsio canu skinuć na niekatoryja madeli mužčynskaha i dziciačaha adzieńnia tureckich brendaŭ, vyraby sa srebra i asobny asartymient kaśmietyčnych srodkaŭ.

U centry rasprodažaŭ Outleto na praśpiekcie Žukava ŭ Minsku «čornaja piatnica» projdzie z 24 pa 26 listapada . Pakupnikam abiacajuć «nievierahodnyja skidki» ŭ kramach Sinsay, Waikiki, Gloria Jeans, Big Star, Kari, Kari kids, Marko i inšych. Na kolki paniziacca ceny, pakul nie paviedamlajuć. Infarmacyju ab hetym raźmieściać 21 listapada.

«Čornaja piatnica» ŭ TRC ​​Galleria Minsk praciahniecca z 17 pa 19 listapada. Adznačajecca, što ŭ akcyi buduć udzielničać bolš za 100 mahazinaŭ i ŭstanoŭ, pry hetym źnižki dasiahnuć 70%. Padrabiaznaha źnižkavaha hajda pa kankretnych kramach pakul niama, ale jon pavinien źjavicca. Darečy, kali vy pryjedziecie ŭ kramu na aŭto ŭ niadzielu z 9:00 da 14:00, to zmožacie skarystacca parkinham biaspłatna.

Niekatoruju techniku sa źnižkaj možna kupić užo zaraz

mabilnaha apieratara MTS źnižkavaja prapanova ŭžo źjaviłasia, jana praciahniecca da 30 listapada. U hetyja dni sa źnižkaj da 280 rubloŭ možna kupić hadžety Xiaomi — smartfony, smart-hadzińniki, fitnies-branzalety i biespravadnyja navušniki.

Mabilny apieratar A1 pravodzić rasprodaž z 10 pa 13 listapada. U hetyja try dni smartfony, płanšety, smart-hadzińniki, karysnyja hadžety papularnych brendaŭ možna kupić sa źnižkami da 999 rubloŭ.

Клас
1
Панылы сорам
1
Ха-ха
1
Ого
1
Сумна
0
Абуральна
1