Si Czińpin i Džo Bajden padčas sustrečy na Bali ŭ listapadzie 2022 hoda. Fota Alex Brandon / AP

Si Czińpin i Džo Bajden padčas sustrečy na Bali ŭ listapadzie 2022 hoda. Fota Alex Brandon / AP

Prezident ZŠA Džo Bajden sustreniecca 15 listapada z kiraŭnikom KNR Si Czińpinam. Pra heta zajaviła pradstaŭnik Biełaha doma Karyn Žan-Pjer, piša Radyjo Svaboda.

Lidary dźviuch dziaržaŭ abmiarkujuć pytańni dvuchbakovych adnosin ZŠA i Kitaja, važnaść padtrymańnia adkrytych kanałaŭ suviazi, a taksama šerah rehijanalnych i hłabalnych prablem.

Čakajecca, što sustreča adbudziecca ŭ ramkach samitu krain Azijacka-Cichaakijanskaha ekanamičnaha supracoŭnictva (ATES). Mierapryjemstva adbudziecca ŭ San-Francyska z 11 pa 17 listapada.

MZS KNR paćvierdziła vizit Si ŭ ZŠA dla ŭdziełu ŭ kitajska-amierykanskich pieramovach.

Apošni raz Si Czińpin byŭ u ZŠA ź vizitam u 2017 hodzie. Papiaredniaja sustreča Si i Bajdena adbyłasia hod tamu na Bali, u ramkach samitu «Vialikaj dvaccatki».

Клас
2
Панылы сорам
1
Ха-ха
0
Ого
1
Сумна
0
Абуральна
0