Fota: Thamrongpat Theerathammakorn / Getty Images

Fota: Thamrongpat Theerathammakorn / Getty Images

Niejrasietka ŭpieršyniu ŭ historyi zmahła skłaści kantrakt i damovicca pamiž kampanijami samastojna biez udziełu čałavieka. Ad ludziej patrabavaŭsia tolki podpis vynikovych pahadnieńniaŭ, pieradaje ahienctva CNBC.

Brytanskaja IT-firma Luminance prademanstravała svoj novy štučny intelekt pad nazvaj Autopilot — pieravažna jurydyčnuju niejrasietku, zdolnuju chutka analizavać i ŭnosić źmieny ŭ pracoŭnuju dakumientacyju, a taksama znachodzić efiektyŭnaje i aptymalnaje vyrašeńnie supiarečnaściej.

Autopilot byŭ vyprabavany pry ekśpierymientalnych pieramovach pamiž kampanijaj Luminance i jaje klijentam, kampanijaj Prosapient, jakaja taksama vykarystoŭvała Autopilot.

«Usio doŭžyłasia ličanyja chviliny. Dźvie niejrasietki pad nazirańniem ludziej samastojna skłali poŭny kantrakt, chutka dasiahnuŭšy kansensu pa mnohich momantach, uklučajučy punkt ab nierazhałošvańni, abmierkavańnie jakoha ŭ jurydyčnych kamand zvyčajna zajmaje 80% ich času.

Štučny intelekt Autopilot vydatna razumieje i adaptujecca pad luby biznes. Jaho vykarystańnie dazvolić značna razhruzić jurystaŭ ad rucinnaj dakumientacyi», — raspaviała ahienctvu CNBC vykanaŭčaja dyrektarka kampanii Luminance Džehier Hlukina.

Akramia taho, pa słovach Džehier, Autopilot nie padobny da inšych papularnych i bujnych niejrasietak, nakštałt ChatGPT, Dall-E i h. d., bo jon śpiecyjalna raspracavany dla jurydyčnych apieracyj, a astatnija źjaŭlajucca bolš univiersalnymi i nieśpiecyjalizavanymi płatformami.

Čytajcie taksama:

Jakija prafiesii pieršymi zamienić štučny intelekt?

Štučny intelekt pieramoh troch čempijonaŭ pa honkach na bieśpiłotnikach u ich ułasnaj hulni

Najbolšyja krainy śvietu padpisali dekłaracyju ab katastrafičnaj niebiaśpiecy štučnaha intelektu

Клас
3
Панылы сорам
4
Ха-ха
0
Ого
2
Сумна
0
Абуральна
0