Skrynšot videa ŭ tyktoku

Skrynšot videa ŭ tyktoku

U hety raz zvarot da Łukašenki ŭ sacsietki vykłali dolščyki doma numar 11 u novym mikrarajonie Ladzišča-2 horada Barysava.

— Nas bolš za 119 siemjaŭ, 95% siemjaŭ šmatdzietnyja, dziaržaŭnyja słužačyja i ludzi, jakija majuć patrebu ŭ palapšeńni žyllovych umoŭ, — kaža žančyna ŭ kadry (u tyktoku jana padpisana jak šmatdzietnaja maci sa stažam i žonka vajennaha). — Prosim vas dapamahčy nam u niaprostaj situacyi. U listapadzie 2021 hoda my pačali budavać naš dom, zabudoŭščykam jakoha źjaŭlajecca kiravańnie kapitalnaha budaŭnictva (KKB) Barysaŭskaha rajona. Bolš za dva hady my spraŭna vykonvali svaje abaviazacielstvy, štomiesiac apłačvajučy vystaŭlenyja nam unioski.

@mnogomama0101 ❗️OBRAŜJeNIJe K PRIEZIDIENTU RIESPUBLIKI BIEŁARUŚ❗️ Prosim maksimalnyj riepost #ladiŝie-2 #Borisov #biełaruś#minsk#obraŝienijekpriezidientubiełarusi ♬ orihinalnyj zvuk - DARYA PRUDNIKAVA

Žančyna śćviardžaje, što za dva hady KKB Barysaŭskaha rajona bolš za piatnaccać razoŭ pieranosiła terminy zdačy doma. Pry hetym, jaho pradstaŭniki stavili ŭltymatum: kali niechta nie padpiša čarhovuju dadatkovuju zhodu, to ź im damovu dolevaha budaŭnictva ŭvohule razarvuć.

— Ciapier naš dom hatovy na 100%, ale čarhovy pieranos zdačy domu KKB Barysaŭskaha rajona rychtujecca zrabić na 27 śniežnia 2023 hoda. Šmat kamu z nas paśla Novaha hoda nie budzie dzie žyć i my budziem vymušany iści na vulicu.

Žančyna śćviardžaje, što dolščyki napisali šmat zvarotaŭ, ale na čynoŭnikaŭ jany nijak nie paŭpłyvali.

Za čatyry dni heta videa pahladzieli bolš za 400 tysiač razoŭ. Niehatyŭnych kamientaroŭ sabrałasia šmat. Voś tak vyhladaje davoli typovy: «Kupicie hatovyja kvatery. U čym prablema? Ja b uvohule hetyja lhoty admianiŭ, nie chaču, kab z maich padatkaŭ kamuści chalaŭnaje žyllo budavali».

Ale, zdajecca, siarod hledačoŭ byli i čynoŭniki. Bo videadkaz praz dva dni zapisaŭ namieśnik staršyni Barysaŭskaha rajvykankama Siarhiej Babura. Jon śćviardžaje, što toj samy dom hatovy na 98% i praca ŭ im viadziecca zhodna z płanam. Čynoŭnik paabiacaŭ, što da kanca listapada dom budzie zdadzieny. U adnym z kamientaroŭ pad videa aburajucca: «Ja hladžu tolki dla šmatdzietnych žytło ŭ Barysavie budujuć. A inšyja ludzi jak?».

@rki19145n3x ⚡️⚡️⚡️ Piervyj usłyšał. V tiktokie rasprostraniajetsia obraŝienije dolŝikov - rieč pro niedostrojennyj dom v mikrorajonie Łošica-7. Priezidient oznakomiłsia. I siehodnia žie poručił: priedsiedatielu horispołkoma sdiełať vsie sohłasno dohovoru. Dom budiet dostrojen! #lublubiełaruś #mybiełaruś #lubimujunieotdajut❤️ #biełaruś #našpriezidient #riek #namiesťčiemhordiťsia ♬ orihinalnyj zvuk - Lubimuju_Nie_Otdajut

Raniej z anałahičnym zvarotam da Łukašenki źviartalisia dolščyki doma ŭ staličnym mikrarajonie Łošyca-7. Paśla hetaha Łukašenka vyrašyŭ pakazalna razabracca i zvaniŭ meru Minska, kab dom dabudavali. Paźniej ludzi vykłali ŭ tyktoku videapadziaku z cheštehami #lubimujunieotdajut i #našpriezidient. Treba adznačyć, što akaŭnt žančyny, jakaja apublikavała videa (jana ž i pramaŭlaje ŭ kadry) całkam składajecca z repostaŭ prapahandysckich navin i aficyjnych fejkaŭ.

Čytajcie taksama:

«My ‒ niaščasnyja ludzi». Dolščyki minskaj doŭhabudoŭli zapisali videazvarot da Łukašenki

Za kolki kuplajuć kvatery ŭ elitnym novym kvartale kala płoščy Pieramohi?

«Tapas» zdaŭ u ekspłuatacyju apošniuju siekcyju šmatpakutnaha ŽK «Miehapolis»

Клас
4
Панылы сорам
20
Ха-ха
9
Ого
0
Сумна
1
Абуральна
2