Uładzimir Pucin i Siarhiej Šajhu. Fota: Mikhail Metzel, Sputnik, Kremlin Pool Photo via AP

Uładzimir Pucin i Siarhiej Šajhu. Fota: Mikhail Metzel, Sputnik, Kremlin Pool Photo via AP

Orhanam biaśpieki krain SND treba dziejničać uzhodniena i kalektyŭna, kab nie dapuścić destabilizacyi i «raschistvańnia» ŭłady ŭ rehijonie. Pra heta zajaviŭ Uładzimir Pucin u zvarocie da sakrataroŭ Radaŭ biaśpieki sadružnaści, jakija ŭ kožnaj z krain zajmajucca kaardynacyjaj pracy siłavych struktur i śpiecsłužbaŭ, paviedamlaje Moscow Times.

«Mižnarodnaja abstanoŭka zastajecca vielmi składanaj, napružanaj», — skazaŭ Pucin udzielnikam sustrečy, na jakoj Rasiju pradstaŭlaŭ Mikałaj Patrušaŭ, a Biełaruś — Alaksandr Valfovič.

Abvastrylisia zastarełyja i źjavilisia novyja asiarodki kanfliktaŭ, u pryvatnaści na Blizkim Uschodzie, i hłabalnaja niestabilnaść prajecyrujecca i na Jeŭraziju, zajaviŭ Pucin.

«Bolš za toje, dziejańni niekatorych dziaržaŭ prosta nakiravanyja na raschistvańnie ŭ krainach SND lehitymnaj ułady, hramadskaj stabilnaści i tradycyjnych kaštoŭnaściej, na parušeńnie našych tradycyjna ciesnych handlovych, kaapieracyjnych, kulturnych suviaziej», — skazaŭ Pucin.

Pavodle jaho słoŭ, akramia arhanizavanaj złačynnaści, teraryzmu i narkahandlu, SND pahražajuć «radykalizm i ekstremizm», a akramia taho, isnujuć ryzyki «ekanamičnaj, infarmacyjnaj, technałahičnaj, bijałahičnaj biaśpieki».

Usio heta patrabuje ŭzhodnienaj kalektyŭnaj reakcyi, a taksama vialikaj previentyŭnaj pracy, meta jakoj — zabiaśpiečyć stabilnaść SND, zajaviŭ prezident Rasii.

«Važna maksimalna poŭna vykarystoŭvać prahnozny, infarmacyjna-analityčny patencyjał radaŭ biaśpieki», — padkreśliŭ jon, dadaŭšy, što takaja rabota maje być nakiravana na «dakładnaje vyznačeńnie pryjarytetaŭ» i «svoječasovuju karekciroŭku» dakumientaŭ stratehičnaha płanavańnia.

Клас
1
Панылы сорам
6
Ха-ха
15
Ого
0
Сумна
0
Абуральна
12