Hienadź Charaviec. Fota: agrosoyz.by

Hienadź Charaviec. Fota: agrosoyz.by

25 žniŭnia sud Stolinskaha rajona pryznaŭ deputata vinavatym pavodle č. 1 art. 430 Kryminalnaha Kodeksa (atrymańnie chabaru). Śledstva vyśvietliła, što padčas pracy kiraŭnikom KSUP «Ruchčanski» jon dvojčy ŭziaŭ chabar u pamiery 90 rubloŭ za «spryjańnie vyrašeńniu pytańniaŭ, jakija ŭvachodziać u jaho kampietencyju» na karyść znajomaha indyvidualnaha pradprymalnika. Pytańni tyčylisia nabyćcia mienavita ŭ jaho tavaraŭ dla haspadarki «Ruchčanski».

Detali spravy viadomy z banka sudovych rašeńniaŭ.

U sudzie vyśvietliłasia, što schiemu «zaachvočvańnia» prydumała žonka pradprymalnika, jakaja pracavała ŭ jaho buchhałtaram. Jana ž zasnavała «staŭku» pamieram 90 rubloŭ za kožnuju zakupku. Pieršy raz Charaviec uziaŭ ad žančyny chabar ź viedama jaje muža 7 sakavika, druhi — 6 krasavika. Praź niekalki dzion, 11 krasavika, jon byŭ zatrymany milicyjaj i źmieščany ŭ śledčy izalatar.

Z-pad varty Hienadź Charaviec byŭ vyzvaleny adrazu paśla abviaščeńnia prysudu: sud Stolinskaha rajona pakaraŭ jaho dvuma z pałovaj hadami «chimii» (abmiežavańniem voli va ŭstanovie adkrytaha typu). Z ulikam znachodžańnia ŭ SIZA, dzie adzin dzień utrymańnia adpaviadaje dvum dniam abmiežavańnia voli, na «chimii» Charaviec adbudzie na 274 dni mieniej. Taksama, pavodle prysudu, jon nie maje prava 5 hadoŭ zajmać kiroŭnyja pasady i maje vypłacić štraf pamieram 350 bazavych vieličyń (12 950 rubloŭ). U jakaści harantyi vypłaty štrafu ŭ byłoha kiraŭnika sielhaspradpryjemstva aryštavali majomaść — aŭtamabil «Opel Astra», televizar, ladoŭniu, srodki na bankaŭskim rachunku i 420 rubloŭ najaŭnymi.

Raniej rajvykankam nieadnarazova ŭznaharodžvaŭ Charaŭca hramatami i padziakami. Na sajcie rajvakankama proźvišča asudžanaha Hienadzia Charaŭca pa-raniejšamu znachodzicca ŭ pieraliku deputataŭ Ruchčanskaha sielvykankama.

Клас
1
Панылы сорам
1
Ха-ха
10
Ого
0
Сумна
4
Абуральна
5